كفته اللحمة بالرز المسلوقة والمحمرة ..
حتكلى صوبعك وراها
الوصفة النهاردة سهلة جدا وحلوة جدا
انا واللى فى بيتى بنحبها اووووووووى
يارب تعجبكم وتحبوها انتم كمااان .. يارب
المقادير
– 2/1 كيلو لحمة مفرومة مرتين
– 4/3 كوب رزمطحون
– بصل مفروم وملح وفلفل
– ثوم بودر " او 2 فص ثوم مفروم اوى"
– شوربة لحمة " او شوربة ماجى "
الطريقة
1 – بعد لما تفرمى اللحمة مرتين فى الكبة
تفرمها تالت مع البصل المفروم والثوم البودر والملح
والفلفل علشان يتجانسوا مع بعض
2 – تفرمى كمان الرز – بعد لما تغسليه وينشف –
زى الصورة كده
3- سيصبح الشكل كده وهو عبارة عن اللحمة المفرومة
والرز المطحون والتوابل اللى قلنا عليها
4 – نقسم الخليط الى كور كما فى الصورة
5 – ثم كل كورة نببطها ونعملها كفته مدورة زى القرص
6 – وادى شوربة اللحمة نغليها علشان نسقط فيها
اقراص الكفته لمده 1/3 ساعة تقريبا
7 – وادى اقراص الكفته فى الشوربة بعد ما استويت
وقفلت النار عليها
8- وبعدين صفى اقراص الكفته من الشوربة وحمريها
فى زيت عباد الشمس
وده شكلها النهائى
وبالهنا
ومتبخلوش عليا بالتقييم ولا برددوكم الحلوة
اللى بترفع من معنوياتى
بحبكم فى الله
على فكرة ياعدولاتى
الوجبة دى متجربة اكتر من مرة
انا لسه اكله الكفته بالرز دلوقتى بس متاكده ان الكفته بتاعتك احلى تسلم الايادى
|
|
انتى اللى أحلى ياقمر بكلامك الذوق
|
