كلاكيت خيانه للمره المليون 2024

[FONT=""][COLOR=""][SIZE=""]حبايبى انا مخنوقه جداا من اللى بيحصل فيا من زوجى العزيز اللى عمرى ما شفت انسان غيره يملا عينى رغم كل تقصيره معايا

والخيانه كمان كل شويه مع بنات ياريتهم كانوا احلى منى فى اى حاجه كنت قلت من حقه لكن لللاسف انا نفسى قرفت من زوقه

خلينا فى موضوعنا الجديد او الخيانه الجديده بمعنى اصح
لقيت الفيس بوك بتاعه مفتوح وبيكلم واحده كلام حب وبيتحايل عليها علشان ترد عليه ووتعبره وكمان بيوصفلها ازاى حياته اتغيرت بعد ما اتعرف عليها وحولت ظلمة الدنيا لجنه وانه مستعد يسافر لها الشهر الجاى لبلدها مع العلم انه فعلا بيجهز جواز سفره ولما سألته ليه قاللى للعمره كنت عارفه انه كداب لكن مكنتش عارفه ان الموضوع كده
كل الكلام اللى حالرمنى منه بيقوله لها

انا كنت هكلمها ولو لقيتها كويسه كنت هقولها انه متجوز وعنده اولاد وكرهيه فيكى بس المشكله مش فيها هى المشكله انه هو اللى الخيانه بقت تجرى فى دمه

مع العلم انى لسه كنت غضبانه عند اهلى لمدة شهرين بسبب خيانه برضو مع واحده تانيه غير دى ولسه راجعه من ايام

ومش عايزه اعملها تانى لانى بحس ان هو ده اللى عايزه ومش بيفكر يروح يصالحنى ويجيبنى والناس الغريبه هى اللى بتتدخل وتروحنى
وكمان والدى مكنش عايزنى ارجع وانا اللى صممت اروح بيتى
خايفه اشتكيله يقولى انتى اللى مسمعتيش الكلام
جوزى فيه عيوب كتييير بس ده اكتر عيب بيوجعنى

عايزاكوا تقولولى اعمل ايه انا مافتحتوش فى الموضوع ومش عايزه افاتحه غير لما يبدأ هو بالكلام وده هيبقى بعيييييييد
لانه لسه قايلى اللى عاجبه يعيش معايا واللى مش عاجبه……. بسبب موضوع تانى فطبعا عمرى ماهيكون قايلى كلمه زى دى وابدأ انا معاه
ده كمان كان قايلهالى المره اللى فاتت قبل ما اروح عند بابا
انا قلتله يريح نفسه وانا مش سايبه بيتى
الا اذا حصل طلاق

قولولى ارجوكوا اتصرف ازاى انا حاسه دماغى مش فيا[/SIZE][/COLOR][/FONT]

مش عارفة اقولك اية اللة يعينك علية ان كان عندك اطفال عيشي ربي اولادك وكانة مش موجود اصبري لمالحد ما ربنا يهدية وان كان عندك بنت فكرية بطريق غير مباشر بكيفية حمايتها وربايتها يمكن ينتبة ان تللي بيعملة مممكن يتعمل فيها لاقدر اللة

حبيبتي مش عارفة أقولك إيه فعلا حاولي تكلمي معاها وعرفيها إنه متجوز حاولي إلبسي أحلي حاجة وإعملي شعرك وخليكي دايما زي القمر ولا تعبريه خليه يلف حولين نفسه يبدء يهتم بيكي ويلف حولين نفسه إدعيله بالهداية وعليكي بالإستغفار حاولي خديه وسافروا إستجمام حاولي إتفهمي معاة وشوفيه ليه بيعمل كدة ربنا يصلحلك الحال ويهديهولك وعليكي بالصبر ربنا يكرمك خير

ربنا يهديلك الحال ويصبرك على البلاء العظيم دة ويهديلك جوزك اللهم امين

انتي غلطانة لما روحتي من نفسك لأنك بكدة رخصتي نفسك عنده
كان لازم تسيبيه لما هو اللي يجي لحد عندك
لو مرة واحدة تعملي كدة هو اللي حيعملك حساب
لكن انتي زي ما بتمشي بترجعي من غيرمايراجع نفسه ويندم على عمايله السودا دي
اعملي زي ما عملت مع جوزي مع الفرق ان زميله في الشغل هو اللي بتاع الكلام ده وبيشجع جوزي
أنا بقى كنت بقعد جنب جوزي واعيب على الستات دي بهزار
بس جوزي أخره فرجة ومرة على مرة بطل وكمان بنتي كانت بتبقى جنبنا فكنت الفت نظره لكدة
يقوم قافل الصفحة على طول
ولما اكون قاعدة قدام االجهاز وهو جنبي
أجيب فيديوهات تتكلم عن حرمانية الحاجات دي وعذابها
واسيبه يتفرج بدون اي تعليق مني
لأن الراجل مايحبش الست توجهه حتى لو بيموت فيها
والحمدلله جابت ننتيجة
جربي وشوفي وربنا يهديهولك يا رب
معلش طولت عليكي

والله انا مش عارفه اقولك ايه كل اللى اقدر اقولهولك انه انسان مش باقى على بيته بدليل انه بيقول اللى عاجبه يعيش على كده وطبعا واضح جدا ان الخيانه بتجرى فى دمه يعنى مهما هتعملى هو ده طبعه فأنتى يا اختى ادامك حل من اتنين يا اما تعيشى معاه على كده وتربى ولادك وتحاولى معاه مره واتنين ومليون واهى تبقى عيشه والسلام وتطنشى على عمايله مهما عمل او انك تطلبى منه الطلاق وتسيبيه وكل واحد منكو يروح لحاله وممكن هو يفوق بعد كده لنفسه ولبيته اللى اتخرب بسبب عمايله السوده وربنا يهديه وانتى حبيبتى صلى كتير قدامه عشان يعرف ان ام اولاده بتتقى ربنا فيه وانها غير الزباله اللى بيعرفهم وممكن كمان تخليه سهران بالليل على النت فى وسط معاصيه وتقومى انتى قيام الليل عشان يحس بالقرف من نفسه ومن عمايله ويراجع نفسه وخليكى دايما على استغفار وربنا يهديلك الحال