كيكة الاربع أرباع كيكه ولا الجاهزة واتحدى بيها اى حد
مين بتنسى مقدار الكيك ولازم كل مرة تقرأ الوصفه من كراستها
او تفتح النت و تدور على وصفه او حتى تتصل بمامتها او حماتها
عشان تسأل عن المقدار
ايوه اكيد انتى طبعا و هى و هى
طيب ايه رأيك مانتصلش بحد بعد كده و لا نفتح النت ولا نقرأ الورقه
الكيكة دى اسمها كيكة الاربع ارباع يعنى من اسمها تعرفى مكوناتها
انا شفتها عالتلفزيون من مده بس ماحبيتش انزلها لكم الا لما اعملها بالبيت الاول
بتمنى الطريقه دى تعجبكم وتوفر عليكم عناء حفظ المقدار
المقدار
ربع كيلو دقيق
ربع كيلو سكر ناعم بودرة
ربع كيلو زبده"الافضل زبده صفراء اللى هى قوالب
أفضل من السمن لأنها بتخلى العجينه تهش"
ربع كيلو لبن
4 بيض فانيليا
باكو بيكنج بودر"واللى تلاقى دريم شيف احلى لأنها معاه
محسن وتحففففففففه
واللى ماتلاقى تحط مع البيكنج بودر ربع معلقة بيكربونات الصوديوم
رشة ملح صغيرة على اد بين اصبعك السبابه والابهام
الطريقه
يضرب الزبده مع السكر حتى تهش ثم تضيفى البيض بيضه بيضه و تضربى وعليهم معلقه صغيرة خل عشان زنخة البيض
ثم اللبن
ثم المواد الجافه كلها "دقيق بيكنج بودر بيكنج صودا ملح فانيليا
و لو عايزة الكيك بالبرتقال حطى مع الدقيق معلقتين تانج برتقال بودرة
حتبقى احلى كيكة برتقال واحسن من بشر البرتقال اللى بيخلى لونها غامق
لكن البرتقال البودرة بيديكى لون وطعم حلو ومن غير مايغمق لونها
طبعا ده مقدار صينيه صغيره من 22 الى 25 سم اكبر من كده ضاعفى المقدار
والخبز بالرف الاوسط على 180 درجه حوالى 45 دقيقه ولازم الفرن تسخنيه 10 دقايق
وبعد ماتحطى الكيك بالصينيه تسخنيه عشان تنتظر بالصينيه ترتاح قبل ماتدخل الفرن 10 دقايق
بتمنى الوصفه و النصايح للخبز تكون عجبتكم
ولا تنسونا من دعواتكم
