لكل اصحاب المشكلات العويصة والزعل والاكتئاب عندي كلمتين عاوزة اقولهم 2024

بسم الله الرحمن الرحيم

السلام عليكم ورحمة الله وبركاته

مساء الفل على احلى عدولات

هنتفق الاول على حاجة
انا مش جاية اوعظ او احسسك ان مشكلتك متستاهلش زعل
لا يا حبيبتي احنا بشر واقل مشكلة ممكن تاثرفينا وتخلينا استغفر الله العظيم مش طايقين نفسنا وحياتنا

بس انا عندي حلين لمشاكلنا مهما كانت صعبةاول حل هيخفف من الزعل شوية مش هيحلالمشكلة بس هيخلي نفسيتك احسن وتاني حل لو نفذتيه زي مابقلك المشكلة هتتحل 100%

الحل الاول

انتي يالي عندك مشكلة وزهقتي من حياتك عاوزاكي تعملي تجربة دلوقت وانتي اعدة

غمضي عنيكي خمس دقايق وقومي من مكانك روحي اي اوضة تانية واياكي تفتحي عينك

وتعالي تاني
يلا قومي

جيتي؟؟؟

عرفتي احساس الكفيف ؟؟؟؟؟؟؟؟؟

حمدتي ربنا على عينك قبل ماتلومي على ربنا انه ازاي يكون ناقصك حاجة معينة في حياتك زي الفلوس وزي التعليم وزي الجواز وزي الاولاد وزي لما يكون عندك شوية برد وتصحي مش طايقة نفسك

لازم تحمدي ربنا على النعم الي انتي مش حسة بيها زي نعمة البصر والسمع نعمة الصحة نعمة الستر انك بتنامي وانتي مدفية وغيرك مش لاقي بطاطين وهيموت من البرد ومش لاقي لقمة العيش

نيجي لتاني حل
قيام الليل
انا مش داعية وجاية اقلك صلي انتي مبتصليش

لا انا جاية اقلك تجربتي

في وقت معين كان عندي مشكلة صعبة وماثرة عليا وعلى نفسيتي وقريت الكلام ده بالصدفة

يقول الشيخ عمر عبدالكافـي البيوت التي يُصلّى فيها قيام يشّع منها نور يراه أهل السماء ! وكما ننظر إلى السماء ليلاً لنرى نور النجوم تنظر الملائكة إلى الأرض لترى نور البيوت التي تنوّر بصلاة أهلها

والأعجب من ذلك أن الملائكة إذا اعتادت على رؤية نور بيتك كل يوم ولم تُصل قيام الليل يوماً تسأل عنك لأنها رأت بيتك مُظلماً فيُقال لهم إنك لم تقم لأنك مريض أو مهموم أو غير ذلك فتبدأ الملائكة بالدعاء لك بالشفاء أو تفريج الهم والدعاء لك حسب حاجتك ؛ شوقاً لرؤية نور بيتك المضاء بسبت صلاتك
وقد سئل تلميذٌ الإمامَ أبو الحسن إمامه حين رءاه في منامه بعد وفاته عن حاله
فرد : طاحت تلك الإشارات وضاعت تلك العبارات ، والله ما نفعنا إلا ركيعات صليناٌّهـٌِـٌِـٌِـا في جوف الليل والناس نيام
وما وجدنا ضياء القبور إلا في قيام الليل

جربت اصلي القيام وابتديت بركعتين وبعد كده ازود لحد ما وصلو 11 ركعة
وبقيت ادعيفي كل سجدة بالي اتمناه
وانا على يقين انه ربنا هيحققلي الي انا عاوزاه

لانه ربنا قال في حديث قدسي(انا عند ظن عبدي بي فليظن بي ماشاء)
فمش معقول يعني ولله المثل الاعلى
انك تطلبي حاجة من حد وتقوليله من قلبك انك شاكة انه مش هيحققهالك
لازم الثقة واليقين بالله
ربنا كريم ورحيم بينا

وربنا شاهد عليا وانا بكتبلكم اني مفيش ولا مرة قابلتني مشكلة ودعيت في قيام الليل واستغفرت الا والمشكلة اتحلت

ومتعديشتقولي انا بدعي ومفيش حاجة بتحصل

لا اكبر غللللللللللللللللللللللللللللط