السلام عليكم ورحمة الله وبركاته
اللهم صل على محمد وعلى آله وصحبه أجمعين
النهاردة جربت عجينة الشيف الرائعة منال العالم هى استخدمتها فى فطائر البيتزا
تعالوا نشوف عملت بها ايه؟؟؟
المقادير:
3 كاس دقيق
3 ملعقة كبيرة سكر
1 ملعقة كبيرة خميرة
1 ملعقة صغيرة ملح
1 ملعقة صغيرة بيكنج بودر
3 ملعقة كبيرة حليب بودرة
0.25 كاس زيت
1 كاس ماء دافئ جدا للعجن (حسب الحاجة)
الطريقة:
**نخلط المكونات الجافة
**نضيف الزيت ونفركه بالاصابع
**نعجن باضافة الماء تدريجيا ونعجن جيدا 15-20 دقيقة حتى تصبح عجينة ناعمة لا تلتصق
**تدهن بزيت خفيف وتغطى وتترك لتخمر ويتضاعف حجمها
فطيرة الجبنة والثوم والبقدونس (او الشبت)
**فردت العجينة فى صينية مدهونة
**شوحت 2 فص ثوم مفروم فى الزبدة حتى احمر
**ثم اضفت 4 ملاعق كبيرة جبن سايل (كاسات) وقلبت قليلا حتى ساحت الجبنة
**فردت خليط الجبنة والثوم على الفطيرة
**رشيت اوراق بقدونس (بدون العروق) او شبت على الوجه
**خبزتها فى فرن ساخن حتى احمرت
**فردت طبقة رقيقة جدا من العجين فى صينية مدهونة وخرمتها بشوكة
**دهنتها جبنة كيرى
**فردت طبقة تانية رقيقة جدا من العجين فوقها ودهنتها بصوص البيتزا
**وزعت طماطم مقطعة مكعبات وبصل شرائح وفلفل اخضر شرائح وزيتون
**دخلتها الفرن وقبل النضج وزعت جبن موزاريللا مبشورة على الوجه
**فردت العجين فى صينية
**دهنته بالصوص ووزعت التونة المصفاة والطماطم المقطعة والزيتون والفلفل الاخضر ورشيت موزاريللا
**خبزتها فى الفرن
خلية النحل (معشوقة اولادى برضه)
**كورت كور حشيتها جبنة كيرى
**سيبتها تخمر ودهنتها بيض مخفوق او حليب ورشيت سمسم
**خبزتها حتى احمرت ورشيت عليها شيرة باردة وهى ساخنة
وبالهنا والشفاااااااااااااااااااااااا
|
|
نورتى الصحفة بردك الرائع
تسلم ايدك همووووووستى الحلوووه
|
ههههههههههه
ربنا يكرمك يا حبيبتى ولا يحرمنى من ردك الحلو