بس فى الاول
خلينا نتفق على حاجتين مهمين:
——————
اولا: مفيش بيت بيخلى من المشاكل:
——————–
واللى يقلك غيركده بيضحك عليكى
اوعى تصدقيه
كل الابواب اللى انتى شيفاها مقفوله ديه
وراها مشاكل يتعمل منها افلام
ثانيا: فى شيطان موكل بالازواج:
——————–
والكلام ده انا سمعته من الشيخ خالد الجندى
وطبعا ده كل شغلته اشعال النار بين الازواج
واحنا بادينا بنديله الطرق اللى يدخلنا منها
يبقى هو بقى ليه ما يشفش شغله
رزق وجايله لحده
صح ولا ايه
خلاص اتفقناعلى الحاجتين دول
——————-
طيب بما اننا اتفقنا ليه بقى نسمع كلام الشيطان
اللى هو كل شغلته فى الدنيا انه ينكد علينا
ومن اقل مشكله
يكبرلك الدنيا
اوعى تسمعيله او تديله ودنك
اوعى يضحك عليكى بكلمة
ليه انا؟
كل الناس مرتاحه؟
مين قالك
انتى شوفتى الناس جوه بيوتها شكلها ايه
كل واحد ربنا عالم بيه
المهم ماتفسديش حياتك
وتحوليها لهم وغم
طيب ايه رايكم
بس فى الاول
عايزين نتعاتب
علشان نصفى قلوبنا من كل اللى فات
وندخل بنيه صالحه وسليمه
ايه رايكم فى الفكره
———–
طيب هقولكم على حاجه
انا وجوزى اديلنا حوالى 10 ايام
الوضع على غير مايرام
اه مفيش خناق
بس تحسى كده القلوب فيها حاجه
من غير سبب
والله
بس كل واحد واخد جنب وساكت
واختكم بقى
الشيطان ظبطها
وهى اديتله ودنها
وقالها اوعى تساليه مالك؟
انتى ما زعلتيهوش؟
هو طبعه كده
خلاص المعامله بالمثل
والبادى اظلم
وانا سمعت الكلام
لحد ما لقيت نفسى
نفسيتى مدمره
وبحلم باحلام وحشه جدااااااااااااا
وبتحصلى حاجات غريبه
وانا نايمه
بحس انى بتخنق
ومش قادره اتنفس
ومن هنا بقى
وما كدبتش خبر
وقلت لازم احط حد للموضوع ده
شوفى بقى عملت ايه
———-
جيتلك تانى يوم
وكنت عارف ان جوزى هياخر بره
كان عنده فرح زميله
وقمت روقت البيت
وظبطت حته عشوه كده
انما ايه
وطبعا
ظبطت نفسى من الاخر
لدرجة انه مكنش مصدق نفسه
وخصوصا اننا الجو بينا متوتر
واول ما دخل
قولتله حمد الله على سلامتك
وقلتله خدلك دش
على بال ما اجهز الاكل
عقبال ماخرج
كنت جهزت الاكل على التربيزه
زى الفنادق ال 5 نجوم
وشموع وطفيت النور
طلع لقى الدنيا ضلمه
اخدته من ايده لحد التربيزه
وقلتله اصلى عزماك على العشا
وبعد الاكل
والعصير
قولتله
عايزه اتكلم معاك شويه
وابتديت اساله ايه اللى مغيرك
عاجبه حالنا اللى وصلناله
شوفت عيشتنا بقت ازاى
وعاتيته باللى مضايقنى منه
وهو كمان عاتبنى
واتصافينا
والجو راق
ورجع كل شى لقواعده سالما
الحمد لله
ايه رايكم بقى
فى الفكره
يالايا بنات
ابعدوا الشيطان عن حياتكم
اوعوا تسيبوه يضحك عليكم
اضحكوا انتم عليه
وجددوا حياتكم
ورجعوا الحب ليها
انا فى انتظار تعليقاتكم
وارائكم
ولو حد عنده افكار تانيه
علشان نستفيد كلنا
بس الحياة عاوزه تنازلات واحنا بنتنازل كتير لان الرجل فى الاول والاخر طفل
مشكورة وأكييد كلنا بيحصل لنا متلك من غير سبب لكن هلأ عرفنا العلاج الناجح
وكلامك زى العسل وموضوع والله روعه وناجح ان شاء الله
وانا معاكى اننا لازم نحاول نحل مشاكلنا كلها وشوى وشوى
وزى ماقالت حبيبتى لافالانتينا احنا لازم نتنازل شوى بس مش كل يوم نتنازل
صحيح الراجل طفل بس الست كمان مسكينه كلمه توديها وكلمه تجيبها
عاوزه اللى يدللها زى ماهى بتدلل وتدلع
عاوزه اللى يديها ريق حلو مش على طول هى اللى تضحى وهى اللى تصالح وتبدا ساعه هنا وساعه هناك
فى طرق للصح كتير بس فين الانسان اللى بيكون مستعد للصلح ده
ده حتى رجاله بتقبل الصلح للفتره دى عشان مزاجهم ولما يخلص وطكرهم وياخدوا اللى هم عاوزينه تلاقيه خلاص رجل قفل والست مسكينه تخلص من حيله تدور التانيه طب وهو؟
ليه مايعملش زيها ليه مايفكرش فيها وازاى يراضيها زى ماهى بتحاول تنقد حياتهم
للاسف لو الاتنين مكاتعونوش اسمحيلى
نهايتهم الفشل
واحلى تقييم لك وتثبيت الموضوع كمان