طريقة عمل ورقة اللحم
اولا هاتى اللحم يفضل لحم ضانى او سمانة اللحم
وتبليها بالملح والفلفل الاسمر الخشن "المدقوق " مش المطحون البودرة وبعدين هاتى ورقة فويل وحطيها فيها وهاتى بصل كتيييييييير وقطعيه قطع كبيرة يفضل جوليان وحمريه على النار الى ان يصفر فقط
وحطيه على اللحمة ولو كنتى جبتى سمانة افتحيها واحشيها بالبصل واقفليها وبعدين اقفلى الفويل كويس عليها ودخليها الفرن وممكن تبشرى عليها بطاطس
طريقة عمل البصارة او بيصارو "بالفرعونى"
مكونات البصارة او بيصارو
ربع كيلو فول جاف بدون قشره
ربطتين كزبرة خضراء
بصلة متوسطة
عدد من فصوص الثوم حسب الرغبة
قليل من النعناع الجاف
ملح و فلفل حسب الذوق
– للتقلية عدد من فصوص الثوم مع كزبرة جافة او بصل
طريقة تحضير البصارة او بيصارو
– ينظف الفول و يضاف كمية من الماء كافية لسلقه , تضاف الكزبرة الخضراء و النعناع الجاف و البصلة و الثوم , يجب عدم وضع اى ملعقة اثناء تسوية الخليط لكى ينضج الفول و ندعه حتى يستوي تماماً .
– بعد تمام النضج , ندع المزيج يبرد قليلاً ثم يخلط بالخلاط .
– يعاد الخليط للنار قليلا و يتبل بالملح و الفلفل حسب الذوق .
– تتم عمل التقلية بالثوم و الكزبرة الجافة المدقوقين جيدا و يحمر فى القليل من الزيت و السمن ثم يزين بها وجه الطبق او يتم عمل بصل محمر "شبه المستعمل فى الكشرى " وهو الافضل و تقدم .
طريقة عمل البامية
اولا بامية بالصلصة معروفة طبعا "تسبيكة اللى هى بصل محمر مضاف له طماطم معصورة وبعدين تترك على النار حتى تتسبك ثم نضع فيها البامية وافضل طعم ليها لما بتتزود لحمة ضانى وشوربة ضانى وتتحط فى طاجن فخار وتغطى وشها بورقة فويل وسيبيها تستوى فى الفرن براحتها
طريقة عمل الشعرية بالسكر
نسلق الشعريه فى ماء عادى حتى تنضج وتشرب مائها ثم نضيف لها السكر واللبنوناكلها
طريقة عمل المخروطة
اكلة تنتشر فى الوجه البحرى و القبلى ولكن باختلاف الاضافات
عبارة عن دقيق وماء وملح بسيط بدون مقادير حتى تتكون معك عجينة شبه عججينة السمبوسك وتفرد بالنشابة ثم تقطع بالسكين لشرائح طولية رفيعة شبه الاسباجتى ويفضل استعمال ماكينة اللازنيا نفردها فيها ثم نقطعها شرائح ثم فى حلة البخار نضع فى الجزء السفلى ماء يغلى و فى الجزء العلوى قطعة شاش ونضع شرائح العجين ونغلق عليها حتى تنضج بالبخار
للاكل : فى الوجه القبلى يسمونها المخروط فقط ويضيفون لها العسل الاسود
وفىالوجه البحرى اسمها مخروطة ويضاف لها سكر بودرة او عسل نحل يذوب فى لبن دافئ وممكن سمنة حسب الرغبة
وبالهنا والشفا
يثبت لفتره