هاتخلي اديكي نااااااااعمة زي الحرير وبشرتك زي الاطفال بالظبط
انا مش بحب الوصفات الي كلها عك ومحتاجة وقت ومجهود كتير لأني بزهق بسرعة
والوصفة دي مش هتاخد منك دقيقة
ودي الحاجة الوحيدة الي جربتها ونتيجتها فعلا تحفة
وعلى فكرة ممكن تستخدميها لأي مكان في جسمك وهاتجيب نفس النتيجة ان شاءالله
اول حاجة هانجيب فنجان صغنن 
وهاتحطي فيه 3 معالق كبار زيـــــــت زيتــــــون
ومعلقة كبيرة ســــــكر ( السكر العادي بتاع الأكل )
وهاتخلطيهم ببعض كويس
بس خلي بالك لازم السكر يكون اكتر من زيت الزيتون
وبعدين تاخدي الخليط دا وتحطيه على ايدك وتفضلي تفركي بشكل دائري
لحد ماتبتدي تحمر بسيط خالص
اوعي تسبيها تحمر جامد
دقيقة واحدة واغسلي ايدك وهتلاقيها بقت حــــــــــــــــرير
وناعمة جدا وزي بشرة الاطفال
وبتفضل ناعمة طول اليوم
لو استمريتو عليها مرتين تلاتة في الاسبوع يبقا تمام اوي
*** وزيت الزيتون يابنات مع الوقت بيفتح البشرة وبيديها لمعة جميلة
انا كدا خلصت
قومو جربو الوصفة بقا
ومتنسوش التقييم ودعوة حلوة بقا
في أمان الله "
شكرا
