عدولاتي الحلوين
وحشني مووووووووت
طبعا بدا العد التنازلي وخلاص لازم نستعد للشهر الكريم
اللهم بلغنا رمضان جميعااااااااا
هنخزن ايه
انا خزنت قبل كدا وعملت موضوع بيه الجزر
واننا نستخدمه في عصير البرتقال
وطبعا خزنت برتقال بلدي عصرته وعبيته في اكياس
وبينضرب في الخلاط مع ماء وسكر وبيبقى رااااءع في الصيام
كمان خزنت الفراوله وعملت منها مربى هتلاقوا في مواضيعي طريقه عمل المربى
وخزنت كمان كنتالوب قطعته ورشيت عليه شويه سكر
ولسه هفرز التوم اني افرمه وعليه شويه زيت واعبيه في اكياس ونبططه عشان مش ياخد مكان في الفريزر
وكمان نفرم البصل وبنفس طريقه التوم
نسبك الطماطم لسهوله الطبخ وتوفير الوقت
ونعصج اللحمه
وخزنت بسله
وجه ورق العنب لو تحبي كمان تفرزيه
وكمان الجوافه
حوالخوخ قطعيه واسلقيه بسكر وعبيه في كيس وفرزيه
وقبل لرمضان باسبوع كدا هاتي البانيه تبليها وجهزيها على التحمير
واللحمه اسلقيها وفرزيها
جهزي فراخك وتبلي اللي هيتشوى
دا اللي فاكراه دلوقتي
ياريت اللي عنده فكره يقولها واهوا نفيد بعض وكل سنه وانتم طيبين
انا ساعات بدمس فول في البيت
وبكيس كل سحور في كيس وببططه برضو
عشان المساحة وكمان عشان مياخدش وقت
لما يخرج من الفريزر
لأن رمضان هيكون الجو نار والحاجة
مش بتستحمل حتى وهي فى التلاجة
كل سنة وانتوا طيبين يارب
