من بعد السلامات والتحيات كيفكم يا قمرات يارب بخير دائما
مين مننا لا يحب الرقاق ويشتاق لصينية من الرقاق بس للاسف موش هتجدى الا الموجود فى الافران ودة موش متوافر فى كل الاوقات او هتلاقية فى السوبر ماركت على هيئة باكيت وبصراحة جربتة لم يعجبنى احنا عادة فى ناس متخصصة فى عملة بالمنازل بنقوم بالشراء منهم ودة طبعا بيبقى فى رمضان او العيد الكبير
طيب المشكلة عاوزة رقاق دلوقتى حااااااااااااااااااالا
اوك شوفى الطريقة دى هتحل المشكلة دى طريقة الرقاق الطرى بجد رووووووعة واطعم من كل الاصناف السابق ذكرها
موش ها اطول عليكم والا يظهر طولت سامحونى فرحااااااااانة بنتيجة الرقاق دة سبق يا ناااااااااس
المقادير
2 كوب دقيق
ذرة ملح
كوب الا ربع ماء او اقل على حسب الدقيق ما يلف معك ويتلم ويبقى قابل للفرد
الطريقة
الدقيق على الملح والماء شوية شوية الى ان تعجن وتترك ترتاح نصف ساعة
اقوم بتقطعها كور انا عملت 12 كورة على حسب مقاس الصينية بتاعتى
طبعا الدقيق فى يدك ترشى وتكورى علية علشان ما يلزقش معك العجين
على الرخامة رشى دقيق وعلى النشابة لفيها بشوية دقيق وافردى العجينة ياريت توصلى لمقاس الصينية بيبقى اجمل بس موش مشكلة قوى كلة بينفع بتبقى بالسمك الرقيق دة
خلصتى الكمية الحمد لله
هتضعى صينية مقلوبة على عين البوتوجاز وخليها تسخن كويس قوى
شيلى الرقاقة بالراحة وضعيها على الصينية الساخنة بهذا الشكل
مجرد وضعها هتجديها بتتشمع ( بتستوى ) اقلبيها على الوجة الاخر وبعدين انشليها وضعيها على صينية جانبية
دى ال12 رقاقة
طبعا بالطريقة المعتادة للرقاق هتسخنى الشوربة لما تغلى و تبلى الرقاق واحدة واحدة وبينهم ملعقة من السمن البلدى وعند نصف الكمية هتضعى اللحم المعصج وبعدين باقى الكمية وعلى الوجة ملعقتين من السمن
ددة شكلها عند الخروج من الفرن ضعى عليها صينية او سرفيس مسطح واقلبيها على الوجة الاخر
هتلاقى الشكل الرااااااااااائع دة
طبقة مقرمشة لذيذة من برة ومن جوة طرى ذى الفطير المشلتت بجد ما شاء الله روعة
اتفضلو يارب يحوز اعجابكن
فى انتظار اللى تقولى جربتة وتطمنى على النتيجة
ملحوظة هامة
انا دائما فى الرقاق احب اول واحدة بالصينية اضعها بدون بلها بالشوربة يعنى يا دوب سمن بالصينية وبعدين الرقاقة الجافة وبعدين ابل اللى بعدها عادى
لا تحمرى العجينة وانتى بتسويها على الصينية خليها لون الرقاق اللى بنشترية من برة
وانتى بتسوى نظفى الصينية بفوطة جافة من الدقيق بين كل واحدة علشان الدقيق بيسقط وهيتحرق ويعمل شكل وطعم موش حلو
انا النهاردة عملت رقاق في البيت وطلع زي ده بالزبط واكلنا الصينية حتتك بتتك ههههههههه
وكل سنه وانتى طيبه
|
|
|
|
وانتى بالف خير ياحبيبتى
تسلمى ياغالية