بسم الله الرحمن الرحيم
السلام عليكم ورحمة الله وبركاته
نصائح للبشرة الدهنية والمختلطة:
قبل ماتشتري الميك اب اتاكدي انه اويل فري خالي من الزيوت واستعملي كريم الاساس الستيك واللوس باودر المكياج هيثبت اكتر وابعدي عن كريم الاساس الليكويد
متستخدميش ع وشك زيوت او اي منظفات ميلكي ومتستخدميش اللبن او الرز في الوصفات لانها بتناسب البشرة الجافة
كلي خيارة كل يوم لان الخيار انسب حاجة لبشرتك الدهنية بيقلل من افراز الدهون وبيصفي البشرة
الوصفااااااااااااااااااااات
الوصفة1
تعملي السكرب ده(معلقتين ترمس مطحون وتعصري عليهم نص لمونة وتعجنيهم بمية لحدما يبقا القوام متماسك مش سايل)وتسيبيه على وشك 5 دقايق وتفركيه فحركات دائرية
وتشطفى وشك بماء فاتر
السكرب بيفتح البشرة وينضفها ويشيل الخلايا الميتة
وتعرضي وشك للبخار لمدة 5 دقايق وتحطي الماسك ده
(بياض بيضة ومعلقة دقيق ومعلقة نشا ومعلقة عسل)وتسيبيه ربع ساعة وتغسلي وشك
الماسك بيغذي البشرة جدااااااا وينقيها من الحبوب ويشدها
بعد كده تمشي على وشك قطعة تلج
الوصفة 2
تعملي السكرب(معلقة سكر عليهانقطتين عصير لمون نقطتين بالظبط والا السكر يدوب)
وتحطي الماسك ده
(معلقة بطاطس مهروسة ومعلقتين عصير خيار)تسيبيه ربع ساعة
الماسك للتفتيح
بعد كده تقفلي المسام بقطنة من ماء الورد
الوصفة3
تحضري قشر برتقال وقشر ليمون وتسيبيهم يومين لحد ما ينشفو وتطحنيهم وتضيفيلهم معلقة عسل
تعرضي وشك للبخار 5 دقايق وتحطي الماسك تسيبيه ربع ساعة وتغسلي وشك وتمشي مكعب التلج على وشك
الماسك بيفتح البشرة ويغذيها
