بصو ياقمرات انا جربت كتير طرق لعمل الكبده وكل مره ريحتها بتطلع مش حلوه وفيها زفاره
وكنت بحط توابل وبصل وفلفل ومافيش فايده
وفي مره وانا بعملها اخترعت حاجه جديده وطلعت طعمها وريحتها ولا أحلي
وهقولكوعلي الطريقه
المقادير :
1/2 كيلو كبده
4 فصوص توم مقطعين شرايح
1 فلفل حامي ( اختياري )
رشه جنزبيل (اختياري ) لمحبي الجنزبيل
فلفل اسمر مطحون
ملح
معلقه زبده صفرا
الطريقه :
قطعي الكبده لشرايح وحطي الطاسه علي النار واما تسخن حطي الزبده الصفرا
بتديها طعم جميل
حطي الكبده واما تحمر اقلبيها وقلبي فيها لحد ما الميا كلها تنزل وتنشف
حطي بقي التوم والفلفل الشطه وقلبي واما ريحته تطلع زودي ميا بسيط قوي عشان تكمل سوا
وفي خلال عشر دقايق هتكون استوت وبالهنا والشفا
وزينيها ببقدونس او طماطم لو حابه
تسلم ايدك حببتى
تسلم ايديك يا عسل
تم التكريم
تسلم ايدك
تسلم الايادى