للفراخ المشوية
عندى ليكو طريقة جميلة وسهلة للفراخ المشوية هقولكو عليها وحاولوا تجربوها هتعجبكوا اوى
المقادير
1/2 ك زبادى-2فص ثوم مفروم- 1بصلة مفرومة-ملعقة صلصة- ملعقة صويا صوص – 2ملعقة زيت زتون – بهارات-بابريكا-ملح-فلفل اسمر-حبهان مطحون
الطريقة
نقسم الفرخة نصفين بالطول ونضع الزبادى ثم نضع عليه البصل المفروم ثم نضع الصلصة والبهارات والصويا صوص واخر حاجة الزيت ونضع الخلطة دى على الفراخ ونضعها فى الثلاجة لمدة ثلاث ساعات لحد ماتتبل حلو وبعدين نطلعها ونضعها على جريلة سخنة ونضع عليها زيت او طاسة تيفال ونمسحها بزيت ونقلبها على الجانبين كل جانب خمس دقائق ثم نضعها فى صينية فى الفرن ويكون فيه صينية تانية فيها ماء وكرات وجزر وورق لوراوحبهان لحد ماتغلى ونضعها تحت صينية الفراخ ونتركها فى الفرن لحد ماتستوى
وبالهنا والشفا
