تخطى إلى المحتوى

تفسير رؤيه لسع النحل في المنام 2024

لقد رايت حلم بخصوص عمل في شركه الحلم رايته في نفس اليوم الذي تم تعيني فيه وعلي فكره انا لما صحيت من النوم مكنتش اعرف اني اتقبلت في الشغل واتعينت يعني شفت الحلم ليله تعيني في الشغل ولما صحيت جالي خبر بقبولي في الشغل

الحلم رايت اني ذهبت للشركه لكي امضي علي الورق باستلام التعين في الشركه وشفت اني بعد ما مضيت روحت لغرفه وقالولي هتقعدي فيها شويه وفجاه واحده صحبتي اسمها ندي دخلت عليا وقالتلي انا معاكي هنا في نفس المكان( ملحوظه صحبتي ده بقالي 5 سنين مشفتهاش ولا اعرف عنها حاجه وكمان مبحبهاش خالص ) وفجاه صحبتي ده لاقيتها رمت عليا نحل كتير وفضل النحل يقرص فيا وانا زعلت منها وقلتلها ليه كده بتعملي ليه كده انا ماذتكيش في حاجه وسعتها قلت الحمد لله حالي احسن من حال غيري انا هتجنب صحبتي ده واعيش في حالي في نفس الحلم شفت كاننا تاني يوم في الشغل فلاقيت واحده جيالي بتقولي تعالي انتي اتنقلتي لمكان تاني هتقعدي فيه فروحت معاها فدخلتني غرفه بيضاء اوي اوي اوي وفيها مكتب واحد بس وجمب المكتب مكتب تاني صغير لونه بني وقالتلي ده مكتبك الجديد وهتفضلي قاعده في المكان ده مع المديره بتاعتك ولاقيت واحده داخله ولابسه اسبانش وقالتلي انا مديرتك وهنفضل هنا مع بعض فانا فرحت اوي وحمدت ربنا ان ربنا بعدني عن صحبتي ندي وارتحت منها وبعدها مديرتي اديتني ورق عشان اروح اوديه لمكان مؤتمر فروحت المكان وسبت الورق ومشيت
وخلص الحلم

معلومات عني انا انسه عمري 22
انا خريجه صيدله
انا الحمد لله متقربه من الله
انا الصراحه قبل ما اتقبل في الشركه كنت قلقانه جدا وخايفه اوي لحسن اروح ومرتحش مع الناس اللي هناك
اللي معي في الحلم صحبتي ندي وانا مبتعاملش معاها نهائي

    والله ما بعرف حاولي تبحثي بقوقل وان شاء الله خير

    خير لك حبيبتي و شر لاعدائك
    اسم ندى معناه نداء الشركة لك اي طلبها و استدعاؤها لك للعمل لديها اما لسع النحل لك فهو اذية اصدقائك لك في العمل في بادئ الامر لكن امورك ستتحسن فيما بعد ان شاء الله و ستكلفين بمهامك قريبا. و الله اعلم

    اترك تعليقاً

    لن يتم نشر عنوان بريدك الإلكتروني. الحقول الإلزامية مشار إليها بـ *

    هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.