انا بدعو ربنا من فترة إنه يحققلي دعوة معينة .. لإن حكايتي عجيبة شوية ، كنت كل يوم لمدة شهرين تقريباً أشوف واحد بيقف في الموقف اللي باخد منه مواصلة عشان اروح جامعتي بيبصلي وانا ببصله بس متكلمناش ولااااا كلمة والله لإني بخاف الله .. ولما بطلت اروح الجامعة حسيت اني اشتقت لهذا الشخص !! مع إني معرفش اسمه ولا اي شيء عنه غير شكله بس .. صورته محفورة فذاكرتي .. قعدت طووول رمضان ادعي ع الفطار وأتحين كل أوقات الاستجابة لأدعو الله بأنني : أشهده تعالى إني أحببت أحداً من عباده فاحفظه ياربي أينما كان وارزقني أن أكون معه دنيا وآخرة "إن كان خيراً لي" .. وكنت بدعو دائما ومراراً "اللهم يا جامع الناس ليوم لاريب فيه اجمع علي ضالتي " ..،
(آسفه على المقدمة الطويلة دي بس حاسه ان الحلم ممكن ليه علاقة بالحكاية دي )
الحلم :
الحلم كان بعد صلاة الفجر ..
حلمت إني كنت أصلي صلاة المغرب ، أنهيتها ، ثم خرجت من البيت لأذهب إلى صديقاتي ، ولما خرجت ومشيت في الشارع فوسط العربيات ، لقيتني طايرة ، يعني كإني راكبة عربية .. بلف وبدخل يمين وشمال كل ده بجسمي كده من غير عربية ، طاااايرة فوق الأرض وكان في هواا كتييييير والجو جميل وكنت مبسوطة ، والدنيا زي متكون بالليل كده .. وبعدين لما نزلت مشيت مسافة كده ع الرصيف وشفت نفسي لابسة فستان لونه أحمر جمييل ومنفوش .. وكنت محجبة .. وكنت لابسة جزمه كعبها عاااااااالي جداا لونها بني فأحمر ( زي صندل مفتوح كده من كزا حتى وجميل اوووي ) .. وبعدين حسيت إن حد ماشي ورايا فرفعت فستاني وجرييييييييت وأنا خايفه وبعدين رحت لمكان اجتماع صديقاتي وكان المكان ده في بنات كتيييييييير كل اللي عرفتهم فحياتي تقريباُ ، المكان كان زي حارة منورة كده وشفت صديقتين من صديقاتي هما في الحقيقة مخطوبين وهيتجوزوا قريييب جدااً ..
وشكراً …
في انتظار التفسير .. ابتسامة
– الحالة الدينية لك ولمن معك فى الرؤية
انا الحمدلله متوسطة
– اسماء من فى الحلم وعلاقتك بيهم
كلنا انا وصديقاتي متوسطين في حالتنا الدينية .. هو انا معرفش هما ايه بالظبط بس في واحده من المخطوبات اللي هيتزوجوا دول متدينة وبتحافظ على صلواتها زيي
– حالتك الاجتماعية
آنسة ـ طالبة جامعية
– هل أنتى موظفه ؟
لا
– هل أنتى حامل ، أو تنتظرين حمل ؟
لا انا آنسة
– هل تعانى من اى هموم او ارق قبل النوم
لا ولله الحمد
– هل ترقين رقية شرعية ام لا
لا
– حلم عادى ام استخارة
عادي
خيرا ان شاء الله حبيبتي
باختصار شديد ستنالين قرة عين ان شاء الله اي تتزوجين و تسرين . كما انك ستنجين و تأمنين من امر يخيفك و يقلقك. و الله اعلم