السلام عليكم ياقمرات
ماخبيش عليكم ألأكله ديه كتير من الناس بيحبوها منهم عائله زوجي كلهم
أنا واحده من الناس مابحبهاش وما أكلتهاش طول عمري ومشفتهاش إلا أما اتجوزت
وبحكم ان جوزي بيحبها اتعلمتها من حماتي
بس طريقه حماتي مش حلوه لان بعد ما السمك بيستوي بيبقي لسه فيه ريحه زفاره
فإخترعت الطريقه ديه
يارب تعجبكم وبالهنا والشفا ياحلوين للي بيحبو أكل القراميط
أنا إشتريت قرموط من عند السماك
وهو نظفه وقطعه وانا روحت غسلته تحت الحنفيه كويس ونقعته في ميا وملح ولمون وخل
ولمده ساعه ونص بعد كده جردته بالسكينه عشان الماده اللزجه تنزل من عليه
حطيته في مصفي يتصفي
جهزت المكونات زي ماهي في الصور
جبت الطاسه وقطعت فيها 5 فصوص توم في الزيت الساخن
اما الزيت سخن وريحه التوم طلعت حطيت قطع السمك
قلبته مع التوم علي كل ناحيه لحد ما يحمر شويه
حطيت البصل المكعبات والفلفل وقلبت
وبعدين الطماطم المبشوره وهديت النار عليه
كده هو استوي بالظبط مده طهيه 15 دقيقه من اول مانبتدي لحد ما نطفي النار
بالهنا والشفا ياقمرات
وعلي فكره انا مازلت لا أكل القراميط لحد ألأن
هههههههههههههههههههههههههههه
تسلم ايديك
تم التكريم
ههههههههههههههه
تسلم ايدك على اكلت اللى مش بتحبيها
بس شكلها شهيه
تسلم ايدك حبى
تسلم ايديك ياقمري
حلوة ان السماك قطعلك القرموط انا اول مرة ادبح قراميط السنة دي وكانو 5 كيلو تخيلي الرعب الي عيشته وكنت بجري ورا القرموط وهو يجري قدامي ههههههههههه
حلوة ان السماك قطعلك القرموط انا اول مرة ادبح قراميط السنة دي وكانو 5 كيلو تخيلي الرعب الي عيشته وكنت بجري ورا القرموط وهو يجري قدامي ههههههههههه
تسلم ايديك حبيبتي ووصفة جميلة هجربها ان شاء الله تسلمي ياقلبي