انا جيبالكم النهارده وصفتى الخاصه فى
المخبوزات
المقادير
كيلوادقيق
بيضتين
كيسين خميره فوريه
معلقه ملح صغيره على الدقيق
نصف كيلو لبن وممكن اكتر شويه على حسب العجن
نصف كوب سمن سايح اوزيت زره وممكن خليط من الاثنين
انا حطيت ربع الكبايه زيت والربع التانى سمن سايح
علشان تبقى خفيفه على الاطفال
كيس لبن نيدوا صغير
الطريقه
نعجن المكونات كلها مع بعض ونزود اللبن حسب الحاجه
لغايه ماتتكون عجينه حلوه معانا ونسبها تستريح نصف ساعه
وتبقى جاهزه للتشكيل
ممكن نحشيها باى حاجه بنحبهاانا هحشيها بسطرمه
او سوسيس او جبنه او تونه
هنبتدى نفرد العجينه ونقطعها ونحشيها
ونلفها وهشرحلكم الطريقه بالتفصيل وبالصور خليكم معايا
اول خطوه ناخد حته من العجينه ونكورها
ونفردها بالنشابه فرد جامد لازم تكون رقيقه علشان
لما تتلف متكونش تخينه وتستوى بسرعه ونفردها
ونقطعها مربع وبعدين نحط الحشوه اللى تعجبنا
انا بحط الجبنه البيضاء الاول وفوقها اى حشوه تانيه
ونبتدى نلفها رول ونقطعها بالسكينه
علشان تبقى صوابع ندهن الصوانى زيت بالفرشاه
ونخلى بالنا اننا لازم ندهن الوش بيض علشان
يتحمر كويس فى الفرن نخبزها فى فرن
على درجه حراره 220 وبالهنا والشفا
معاكم الصور بالخطوات التفصيليه
1
…..
2
…..
3
……
4
…….
5
……
6
……
7
…..
8
……
9
……
10
……
11
……
12
……
13
…..
14
…..
الى اللقاء قريب فى موضوع جديد حبيباتى
……
سلمت يدك
جميل حبيبتي تسلم ايدك
طبعا ممتااااااز
ان شاء الله اجربها
طبعا ممتااااااز
ان شاء الله اجربها
الله عليكي وعلي ابداعتك
والله شكلها تحفة ويشهي جدا
نورتلك الخمس نجوم ولو كان في اكتر كنت قيمت
والله شكلها تحفة ويشهي جدا
نورتلك الخمس نجوم ولو كان في اكتر كنت قيمت
واو انتي شيف يا شيفنى تسلم ايديك انا جعت اووي شكرا
وتم التقييم
روووعة يا قمرى تسلم الايادى واحلى خمس نجوم