..~*السلام عليكم ورحمة الله وبركاتة*~..
كيف حالكم حبيباتى اسأل الله لى ولكم سعادة الدارين وان يمتعنا الله بالصحة والعافية …دى طريقة المصقعة باللحم المفروم اللى انا عملتها وكانت طعمة جدا وحبيت اقول لكم طريقتها …. وياريت تنول اعجابكم ….
المقادير:
3/4كيلو بازنجان مقشر ومقطع شرائح ومرشوش بالقليل من الملح
1/2 كيلو لحم مفروم
1 بصلة متوسطة مفرومة او مقطعة صغيرا
1/3 معلقة صغيرة فلفل اسود مطحون
ملح
1 كيلو طماطم معصورة (ممكن تضربيها بالخلاط مع القليل من الماء)
1/2 فلفلة رومى
الفلفل الحامى حسب رغبتك
1 عصير ليمونة (حسب الرغبة)
2 راس ثوم مقشر مفروم
الطريييييييييييييقة:
1_ اول حاجة نعملها اننا نضيف الفلفل الاسود المطحون وقليلا من الملح للبصل المبشور ونتركة جانبا (البصل بيقى اطعم بكتير مع تركة بالفلفل الاسود )
2_نقلى البازنجان والفلفل والبازنجان يقلى نصف نضج (يعنى يبقى لونة بعد النضج اصفر مش متحمر)وضعية بمصفاه للتخلص من الزيت وممكن تضغطى برفق علية ليساعد فى التخلص من الزيت(من الممكن ان تقطعية بالسكين قطعا صغيرة وزلك بتمرير السكين على كل البازنجان .. حسب رغبتك)
3_فى حلة ضعى 4 ملاعق زيت وسخنيهم واضيفى البصل المفروم وقلبيهم واضيفى بسرعة اللحم المفروم وافركى (سريعا) بالملعقة اللحم حتى ينفصل عن بعضة واضيفى فورا عصير الطماطم (لو كنتى بتحبى التسبيك اغلى عصير الطماطم لمدة تلت ساعة قبل اضافتها للبصل واللحم)
4_تترك الطماطم والبصل واللحم لمدة تلت ساعة على النار مع التحريك المستمر
5_اضيفى البازنجان والفلفل المقلى المصفى واضيفى عصير اليمونة
5_حمرى الثوم واضيفية واتركى المصقعة على النار مع اضافة القليل من الماء او الملح كلما احتاجت واسفل الحلة تمرر علية الملعقة باستمرار حتى لا يحترق
ويبقى شكلها كده
وحاسبى على صوابعك وانتى بتاكلى
…لو عجبكم الطريقة نورونى بردكم على موضوعى(على فكرة انا كتبت (مصقة) لانها جاية من كلمة صقيع بالعربية )
..~*استودعكم الله الذى لا تضيع اماناته*~..
تسلم الايادى
يسلمو ياقمر
تسلم ايديك انا بعملها زيك مع اختلاف بسيط علشان الدايت بدل ما اقلي البذنجان بسلقة شوية بحيس يطري شوي والباقي مثلك تماما واللحمة بعصجها منها فيها بالبصل لانها طبيعي بيكون في اللحمة دهن ودي طريقة للرجيم ومحبي التقليل من اكل الدهون وشكرا ليكي علي مجهودك
انا نفسى اجرب الطريقة الخفيفة دى شكرا يا منى