الكبسة السعودي أكلة شعبية لذيذة من مطبخي مع شوية تغيرات على ذوقي
طبعا الكبسة بتتعمل باللحمة أو الفراخ المرة ده انا عملتها بالبط (شوربة البط) وطلعت تحفة
المقادير
3 كوب أرز بسمتي
5 كوب شوربة بط مع بهارات الكبسة
(هيل – فلفل اسود – ورق لورى – روز ماري – قرنفل – قرفة – كزبرة – كركم – ليمون اسود)
كل البهارات هتكون سليمة مش مطحونة
بصلة كبيرة
1 حبة طماطم مبشورة
2 ملعقة صلصلة
1- حبة بطاطس مبشورة
الطريقة
1- نغسل الرز كويس وننقعة في المية 10 دقايق
2 -نقطع البصل مكعبات صغيرة ونحمرة في شوية زيت .
3 – نضيف الطماطم المبشورة والصلصلة ونقلبهم شوية على نار هادية .
4 – نضيف الشوربة بعد مانكون سلقنا فيها البط ونصفيها من البهارات ونحط الليمون الاسود وورق اللورى فقط ولما تغلي نضيف الارز
نسيب الارز لحد مايتشرب الشوربة وبعدين نغطية ونسيبة يستوي هو عموما مش بيكمل 10 دقايق بعد مايتغطى .
5 – نقطع بصلة صغيرة ونحمرها ونضيف لها صلصلة والبطاطس المبشورة ونحط معاها قطع البط ونسويها على نار هادية (لتزين الارز عند التقديم)
ممكن نستبدل البطاطس بالزبيب وهيكون احلى بكتير .
ونقدمة بالهناء والشفا
في آمان الله
على فكرة انا لسه متغدتش 
خدينى عندك بقى
واحلى تقيييم وتكريم لعيونك
تسلم ايدك يا شيف
وتم التقيييم
|
ايوة طبعا كبسة مصري هههههههه
بس انتي ايه رأيك في الكبسة بتاعت محلات الكبسة والمنتدي في السعودية بتبقى روعه صح
سبحان الله مهما حاولت اقلدهم مش بتطلع زيهم مش عارفة ايه السر