الكل بيعرف فوائد الزنجبيل لكن المعظم بيشكي من طعمه اللاذع وحرورته وانه مش الكل يتقبله فمرة شفت على قناة فتافيت كيفية صنع عصير الزنجبيل وجربتها وطلعت اكثر من رائعة والكل صار يسألني عنها فحبيت افيدكو فيها منو تتقبلو طعمه ومنه تستفيدو من فوائده الحلوة
بدون ما اطول وعالمقادير عدل :
ثلاث ملاعق ( ملعقة الاكل العادية ) من مبشور الزنجبيل الاخضر
وعصير ثلاث حبات من الليمون الاصفر وقبل لا تعصروها قشرو القشرة الصفرا بس من اليمونات وحاولو ما يكون فيها بياض واحتفظو بالقشر هنعوزه سكر حسب الرغبة
وماء بارد
عرقين نعنع ( الورق مع العروق )
طيب الطريقة :
اول شي بتسمو بسم الله وبتحطو الزنجبيل المبشور مع قشر الليمون بعد ما تقطعوها قطع صغار في وعاء غميق وبتضيفو عليها حوالي كاستين ماء بارد وبتخلوها تنقع مع بعض اذا مش مستعجلين اعملوها في الليل والصبح بتكملو العصير واذا مستعجلين خلوها اقل شي ساعة او ساعتين ( طبعا الليمون بتغسلوه بالاول قبل التقشير )
بعد ما ينقع الزنجبيل مع قشر الليمون بتصفيه بمصفاة و
بتضيفي عليه عصير الليمونات الثلاث والسكر وبتزيديه ماء بارد وبتحركيه بملعقة حتى يذوب السكر وبعدين بتصبي الخليط في قارورة ( انا بصبه في قارورة مثل حجم قارورة البيبسي الوسط او اكبر بشوي ) بس قبل ما تصبيه بتحطي جوا القارورة عرقين النعنع وبتصبي عليه الخليط بعدين ممكن تشربيه مباشرة او الافضل بعد ربع ساعة عالاقل حتى يعطي النعنع مفعوله بس ذوقيه بالاول عشان اذا بدو اضافة شوية سكر او حتى ماء بارد اذا حامض شوي
وبالهنا والشفا وبتمنى الي بيعجبها تدعيلي والي ما بيعجبها ما تدعي علي لانه الناس اذواق