بصوا بقا شاورما الفراخ دى حلوة اووى
انا جربتها بس المره اللي جايه هبقي أحط الصور
المقادير فراخ بانيه على اد عدد الأفراد والاحتياج مبدئيا احنا هنعملها ساندوتشات هتبقا تحفة ان شاء الله
نجيب فراخ بانيه بس مش الجاهزة ماشى ونقطعها شرايح رفيعه وبعدين
2 بصلة كبيرة
فلفل اخضر كتير
2 جزرة مبشورة
بقدونس
4 طماطم كبيرة مقطعة مكعبات
معلقة زبدة او سمن او زيت نباتى يفضل يعنى سمن نباتى
التوابل وعشان اقلكو سر طعم اى اكل هو ف التوابل الى بنحطها عليه
وبعدين هنقسم المقادير دى نصين ونعمل كالتالى
السمن وفوقيها البصل حلقاااااااات مهم اووى يكون حلقات ونحط الفلفل الاخضر وفوقيها الطماطم المكعبات وفوقيه الفراخ متقطعة شرايح صغيرة رفيعة وبعدين اول ما الفراخ تتغير لونها نحط بقية المكونات الى قسمنها اوعو تنسوا وبعدين بقا التوابل
هنحط ايه بقا
ملعقة قرفة صغيرة
وزيها كمون
وزيها شطة وزيها فلفل اسمر وزيهم بهارات وكزبروة واوعو تتخضوا هتعرفوا الطعم ف الاخر المهم خلى بالكو التوابل اخر ما تقرب تستوى والسر ف كده برده ان ريحة التوابل بتختفى وتمرر الأكل لو اتحطط ف الاول زى الملح لما بيأخر السوى المهم كلو فوق بعضه ولحد ما تسوتى وجربوا بقا ف عيش فينو وعليها مايونيز او كاتشاب زى بره بالضبط واحلى كمان من بره وجربوا وقولولي بقي ان عملتوها
اه لو بتحبو الطحينه حطو طحينه عليها 2 معلقه وهي بتستوي في أخر سواها برده بتدي طعم حلو
الف شكر يا جمييييل
