نوثتك تصرخ وتقول كفاية بقي .إنقذيني من ريحة العرق 2024

طبعا عارفين انكم واحشيني واني مقصرة وكل ده لاني بحبكم وانتم بتحبوني
ندخل في الموضوع الجديد اللي عبارة عن بعض المشاهدات الشخصية اللي حبيت انبهمكم لها بعد اذنكم
عغشان انوثتك لها حق كبير قوي عليكي.
اوعي تهدريها خدي بالك من الملحوظات اللي هقولها لك ديه وحاولي تتجنبيها زي ما هحاول اشرح باذن الله.
لان الملحوظات ديه قد تكون بسيطة او عميقة بس في الاخر اهي بتقلل من انوثتك.

ريحة العرق

ما ينفعش انثي امورة وعسولة زيكم كده تخرج بره بيتها و ريحتها عرق.ريحة العرق للمحيطين بيكي بتبقي منفرة قوي وبتدي انطباع عنك مش كويس خالص اقل ما فيه انك اسفة قوي مش نضيفة او مش فاهمة ابسط قواعد النضافة الشخصية.

الحل:

اغسلي هدومك بعد كل خروجة.
البسي ملابس قطن واسعة مش ضيقة بالله عليكي.
ما تلبسيش الطقم الواحد يومين او مرتين ورا بعض من غير غسيل.
خدي شاور قبل الخروج كل يوم وياريت بعد ما تيجي من بره كمان (الميه رخيصة والصابون رخيص او عالاقل خدي شاور بميه بس المهم النضافة)
استعملي مزيل عرق اي نوع تحبيه بس بلاش الاسبريهات ذات الرائحة النفاذة لان كلنا تقريبا عارفين حكم الروائح والتعطر خارج المنزل ايه.
قللي من الماكولات اللي فيها توابل كتير و الحاجات الحادقة والحراقة.
اشربي سوايل كتير قوي خاصة عشان الحر والصيام.
اشربي مشروبات مفيدة زي الشاي الاخضر والبابونج و افيد ما فيهم بقي هو النعناع.
شيلي شعر الابط بصورة منتظمة وبطريقة النتف لا بالحلاقة والا بالقص.

ارشح لك شوية مزيلات لرائحة العرق:

ليدي سبيد ستيك – دوف استيك- كريم فيبكس – نيفيا استيك و رول اون – فيبكس رول اون – كريم بي وايت لرائحة العرق – خلطة الشبة و المسك المطحون (بس خدوا بالكم مش بتنفع ومش مفيدة لو بتعرقي كتير ولو بتقعدي فترة خارج المنزل) – ركسونا رول اون – معظم الرول اون من ايفون و اورفليم كويسة بس اعتقد ان اللي من ايفون بتبيض في الملابس مكان الابط – اسبراي دوف الوردي كويس قوي و تقريبا مالهوش ريحة ومفعوله جيد – اي نوع تاني انتي بتستعمليه وبترتاحي له مفيش مشكلة المهم تضمني انه فعال.

الليمون ما ينفعش خالص مزيل عرق الله يكرمكم بيعمل التهابات و تسلخات وبس.
المناديل المبللة وتمسحي بيها كل شوية برضه ما تنفعش مزيل عرق.
الجلسرين بميه الورد ما ينفعش مزيل عرق هو بيعطر المنطقة وقتيا انما مش بيقضي علي الريحة.

قبل ما نستعمل مزيل العرق نغسل كويس باي صابونة ضد البكتريا زي ديتول او لايف بوي و غيرهم وبعدين ننشف كويس ونستعمل مزيل العرق بتاعنا ونسيبه ينشف علي الجلد قبل ما نلبس.
لو فيه عندك اسكينول امسحي بيه قبل ما تستعملي مزيل العرق.
في اخر اليوم او في الشاور بعد الرجوع للبيت لازم نستعمل برضه الصابون الطبي او قاتل البكتريا و نستعمله تحت الابط وننشف كويس.
في البيت ممكن تتسعملي البودرة المعطرة او خلطة الشبة والمسك او الجلسرين و زيت الورد.
انما بره البيت لالالالالالالا
محدش يقولي مزيلات العرق بتعمل اسمرار تحت الابط. في معظم الحالات ايوه بتعمل بس لما تتساب فترات طويلة من غير ما تغسليها و كمان تراكم كذا مرة ورا بعض.
العناية بالابط زي ما قلت لكم والشاور المستمر بيفيد قوي في منع الاسمرار.

.

اخر سطر علي الشمال
هو ارتداء ملابس قطنية.

خلصت الموضوع بفضل الله.

لاني بحبكم في الله.