فكره جهنميه عبقريه علشان ابنك يمشى زى الالف تعالى اقولك 2024

وكالعاده السر فيييييييييييييييين ؟؟؟
فى بيييييييييييييير
لالالالالالالالالالالالا فى عدلات ههههههههههههه

عندى طريقة جميلة قوى جربتها مع ابنى من 3 اسابيع وماشى زى الفل لان ابنى لسه صغنون وبجد عاملة شغل جامد بصى ياستى من غير كلام كتير

هتعملى لابنك او بنتك جدول اسمه جدول السلوك بعدد ايام الاسبوع يعنى كل اسبوع هيتعمل تكتبى بقى السلوك اللى انت تحبى ابنك يعمله مثلا زى الصلاة – عمل الواجب بسرعة – طاعة الوالدين – تقبيل يد الاب والام – النوم مبكرا – غسيل الاسنان – عدم الكذب وهكذا
وشوفى انت عايزة ابنك يعمل ايه ومايعملش ايه وتعلمى كل يوم علامة صح لو عمله وغلط لو ماعملوش وفى نهاية الاسبوع هتقيميه وتشوفى نسبة الصح قد ايه قصاد الغلط
وتجيبيله حاجة بيحبها ومش بيجيبها كل يوم مكافاة يعنى
وكل واحدة عارفة ابنها بيحب ايه او ممكن تخيريه وهو يختار وبجد هتفرق قوى وهيتشجع انه يرضيكى وحبة حبة يلتزم ويتعود على السلوك ده
انا عندى امل فى ربنا كبير ههههههه وماتستسلميش بسرعة لان هو ممكن يزهق من الالتزام ويعاند فى يوم خليكى انت على موقفك وفكريه بالمكافاة غير ان ماما وبابا هيبقوا مبسوطين منه قد ايه
وارجوووووووكى ابقى فوتى اول اسبوع شوية لانه لسه ماتعودش ولسه ماشفش المكافاة وعلشان تشجعيه كمان وياحبذا لو خلتيه يعلم هو فى الجدول بايده مرة مثلا هيفرح قووووى وادعيلى يامووزة منك ليها

وماتنسوش التقييم احسن ازعل منكم نفسى يتثبتلى موضوع ربنا مايوقعلكوش موضوع ابدا نياهاهاها
يلا خلاوييييييييييييص