علشان انا بحبكم جايبة ليكم موضوع هام جداً لكل عدولة
اصول الغسيل والنشر
اصول التحضيرللغسيل
1-تنفضى الاحبال جيدا ثم تمسيحها بفوطة مبللة بالماء ومعصورة للتخلص من اي تراب.
2-تكنسى الارض (عشان لو الملابس وقعت او لو فيه هوا ما يجيش التراب علي الغسيل).
3-من فترة لفترة اغسلى المشابك بوضعها فى ماء به اريال واتركيها فترة قليلة اذا كانت بلاستيك وفترة قليلة جدا اذا كانت خشب واغسليها ووزعيها على قماشة فى الشمس الى ان تجف وممكن تغلي المشابك الخشب بتديهاصلابة.
4-لازم تقلبى كل الهدوم على ظهرها (عشان لوعاصفة ترابية هبت اوالمشابك مش نظيفة او العلامات بتاعت المشابك متظهرش)
5-لازم تلمى كل المشابك بعد ماتلمى الغسيل وتضعيها فى مكان مقفول انا مخصصة ليها شنطة مدرسة من شنط الاولاد القديمة .
6-تصنفي الغسيل الالوان الفاتحة مع بعض والغامقة مع بعض والاسود مع بعض والابيض مع بعض.
7- وقت النشر حاولي يكون الصبح علشان تستفيدى من الشمس اللي بتقضي علي الميكروبات.
ثانيا اصول النشر
[IMG]
[/IMG]
1-اول حبل بيكون هدوم البيبى لو عندك. لو مش عندك بيبى يبقى الحبل الاول ده للتيشرتات (تتنشر من نهايتها ومتتشدش عشان مطموتش وتبوظ بترخيها سنة بسيطة-بيكون ظهر التى شيرت من امام يعنى الناس يشوفوا الظهر)
2-لما تخلصى التى شيرتات تعملى القمصان (بتفكى الازرار وبتنشريها من النهاية عند الخطان بتوع الظهر وطبعا الظهر من امام والفتحة من خلف).
3-لما تخلصى القمصان تنشرى البنطلونات (البنطلون الكلاسيك اللى ميتمطش يتنشر من الاقدام والبنطلون اللى يمط مثل:الرياضى يتنشر من الوسط)
4-بعد البنطلونات تنشرى الجلاليب الرجالى اولا (بتتنشر من تحت الابط او من الذيل)
والعبايات النسائى والمنزلى تانيا(بتتنشر زى الجلاليب الرجالى).
5-بعد العبايات تنشرى باقي الحاجات مثل:الطرح -الفوط.
6-ثم تنشرى الجوارب (الجورب الخفيف يوضع الزوجان معا وينشروا بمشبك قوى من عند طرف القدم ليس من عند الاستيك اما الجورب الثقيل فينشر كل فردة وحدها ايضا من عند طرف القدم)
7-ثم تنشرى الملابس الداخلية الرجالى اولا ثم الحريمى بتمسكى الاندر معدول عادى ثم تمسكى الجنب وتنشريه بالجنب خلي الحريمي ثاني حبل من الداخل علشان لو حد دخل البلكونة ما يكونش الاندر الحريمي ظاهر متعرفيش مين حيدخل عندك.حصلت معايا في اول الزواج وكنت ناشرة الاندر بتاعي علي الحبل الاول من الداخل وزارنا صديق لزوجي ودخلوا يشربوا الشاىفي البالكونة مش حقولكم كنت في نص هدومي وزوجى اتخانق معايا.
8- اتعودى تنطرى الهدومك كويس قبل ما تنشريها بتبقي زى ما تكون مكوية وتسهل عليكي كتير في المكواة.
