اللهم صل وسلم على سيدنا محمد وعلى اله وصحبه اجمعين
السلام عليكم ورحمة الله بركاته
ازيكم يا احلى امهاتمن اهم الخطط لتربية الاطفال اننا نعرفهم الاسلام ونخليهم يصلو ويقرو قران ونحكيلهم عن الانبياء والسيرة النبوية والصحابة
لانه القران منهج ولما الطفل يحفظه ويفهمه وينفذ تعاليم وكلام ربنا لما يكبر هيبقا انسان صالح باربوالديه يخدم مجتمعه ويحترم اخواته وزوجته
ويربي ولاده زي ماهو اتربى وطبعا مميزات كتير مش هنعرف نعدها
لكن هدف موضوعي هو المرحلة الي قبل ما نحكي للطفل عن دينه
المرحلة الي هتخلي الطفل ييجي يقلك
يا ماما احكيلي يعني اي مسلم
احكيلي عن سيدنا محمد عليه الصلاة والسلام وعن الجنة ويعني اي رسول ويعني اي ملايكة
هنعمل شوية حاجات هنربط عقل الطفل بدينه من غير ما نحسسه اننا عاوزينه يسال طبعا من غير ما يسال هنفهمه لكن انا عاوزه قلبه يرتبط بالقران الاول
والمووضوع عن تجربة شخصية بس انا كنت الطفلة ساعتها وارتبطت بديني عن طريق الي كانت بتعمله والدتي ربنا يخلهالي هي وبابا
طولت عليكم ندخل فالخطط:هتناسب الطفل من اربع سنين لحد السن الي هنحكيله فيه عن الصلا وعن دينه الي هو سبع سنين
1-كل طفل بيحب ان اوضته يكون فيها صور كارتون طبعا هنعمله الي هو عاوزه لكن هنختار حيطة ميكنش عليها صور كارتون وتكون باينة ليه وهنحط عليها برواز فيه المعوزتين والاخلاص او الفاتحة
2-يوم الجمعة هنحسسه اكنه يوم عيد هنصحا.بدري بلاش نوم لبعد الضهر وتخشي تصحي ابنك وتقوليله يلا يا حبيبي انهارده الجمعة ده اهم ايام الاسبوع وياسلام لو نزل مع باباه المسجد وتفتحي ازاعة القران او قناة بثة الخطبة والصلاة وتولعي بخور
والله وانا صغيرة كنت بعرف يوم الجمعه من ريحة البخور فبقيت احب يوم الجمعة اكنه.عيد
3-تعالى يا حبيبي نقرا قران هو طبعت مش هيعرف يقرا القران في سن زي ده بس ضميه ليكي.وافتحي المصحف واقري بصوت اكنك بتحكيله حدوته
4-في اوضة الطفل لازم.يكوم فيه مصحف وتقوليله يا حبيبي حافظ عليه ده كلام ربنا مينفعش يقع على الارض مينفعش نقطع منه ولو حتة.ورقة صغيره
5-كل ما هتصلي هتاخديه جنبك تعالى يا حبيبي نصلي هتلاقية بيقلدك فكل حركاتك
6-يا حبيبي متضربش اخواتك ومتكزبش لانه
طبعا بلاش كلمة ربنا.هيوديك النار لازم نلغي الكلمة دي
هنقوله عشان ربنا يحبك ويرضا عنك وربنا لما بيحب حد بيديله كل الي هو عاوزه
7-قبل ما ينام تقريله الفاتحة والمعوزتين والاخلاص لما يقلك بتعملي اي يا ماما قوليله.كده ربنا هيحفظك وتنام مطمن
دي خطوات صغيرة وبسيطة هتخلي ابنك يرتبط مدينه
الكلام ده مهم اوي فالمرحلة الي من اربع سنين لسبعة
لما يوصل سبع سنين هنعلمه العبادات ونحكيله قصص الانبياء بطريقة مبسطة
اتمنى اكون افدتكم
ربنا يحفظ اطفالنا واطفال المسلمين
|
|
نورتو يا احلى عدووووولات
|
واياكي يا حبيبتي