[IMG]
[/IMG]
[IMG]
[/IMG]
ده فضلت خيركو مهلبية فراولة لان لقيت الفراولة مش مسكرة هرميها يعني 
قولت لا مبقاش انا لو مااخترعتش اي حاجة كده 
حوالي نص كيلو فراولة
4 معالق نشا
سكر
كوب لبن كبير
كان عندي تفاح وكيوي وشيلت كام فراوليه كده للتذويق
ممكن اي فاكهة عندك متاحة والموز برضه بيكون حلو اوووب
الطريقة
غسلت الفراولة كويس اوي عشان الرمل وقطعت الوردات بتاعتها وقطعتها وحطيتها في الخلاط مع سكر وكوباية لبن كبيرة وضربتها ضربا مبرحا حتي استغاثتباضحكباضحك
ودوبت 4 معالق نشا كبيرة في كوب ماء معلش اصل النشا عندنا بعافية شوية ومغشوشة هنعمل ايه
وبعدين رفعتها علي النار لحد ماتقلت وقوامها بقي متماسك وحطتها بأطباق الخشاف وقوالب وبس كده شوفتو سهلة ازاي
بجد تحفة جربوها ومش هتندمو وان شاء الله تدعولي وبالف هنا مقدما
لو الموضوع عجبكو امانة عليكو تقيمو عشان تشجعوني كل مااعمل حاجة حلوة انزلهالكو
والرشوة الطبق الي فوق ده للي هتخبطني اول تقييم
في امان الله
|
|
جزاكن الله خيرا حبيباتي في الله
نورتوني
|
جزاكي الله كل خير حبيبتي في الله
نورتيني طبعا
الله يبارك فيكي