انهاردة عملت المكرونة بطريقة حلوة وهتعجبكم اوي
المقادير / كيس مكرونة – زيتون اسود اواخضر اللي يعجبكم- جبنة تركي او رومي هما الاتنين واحد- حبيتين فلفل اخضر او الوان
– ونص راس ثوم -طبعا ملح وفلفل والبهارات اللي تحبيها وصلصة للمكرونة او طماطم زي ماتحبوهم::
الطريقة/ نسلق المكرونة عادي وبعدين نكون مقشرين الثوم ونجيب المقدار اللي هنعمل فيه انا بعملها في صينية تيفال عشان بتبقي
واسعة وبقلب براحتي نحط شوية زيت ذرة في الصينية وبعدين الثوم المفروم او مقطع لغاية لما يصفر بسيط وبعدين نحط الصلصة او الطماطم
لو هنحط طماطم يبقي نسيبها تتسبك شوية لاكن الصلصة لا وبعدين نحط الزيتون المقطع ثم الفلفل المقطع وبعدين نحط المكرونة
المسلوقة وفي الاخر الجبنة التركي المبشورة اومقطعة قطع صغيرة بس ونقلب تقلبتين ونغرف وبالهنا والشفا
ادعولي ربنا يخليلي جوزي وابني
اللهم صل علي النبي
وبالهنا.