الجزء الثالث اعملى توكك وتوك بنتك بايدك 2024

بسم الله الرحمن الرحيم
انا عملت التوكه التالته وانا اسفه انى بنزل كل يوم توكه بس كل يوم بعملكم واحده عشان الافاده مش اكتر ومش منتظره منكم غير دعوه حلوه زيكم
دلوقتى ندخل عل التوكه
انا جبت قماشه اى نوع يكون حلو ممكن تل اورجنزا شيفون اى قماش حلو وخلاص انا طبعا شارحه على قماش مش حلو اوى لمجرد الشرح بس
دى صوره القماش

وبعدين نقص مربعات صغيره تقريبا 10 سم فى 10سم

هنتنى المربع الزاويتين على بعد عشان يعملو مثلث بالشكل ده

ونتنى المثلث كمان مره عشان نصغره شويه

بنقفل المثلث بالخياطه الواسعه كده سراجه يعنى

بنشد الخيط عشان المثلث يتكشكش كده ونثبته كويس عشان يفضل على شكله كده

وبنعمل خمس مربعات بالطريقه دى

ونركبهم كلهم مع بعض عشان نعمل ورده كده

وبنعمل كمان ورده بنفس الطريقه بس المقاس اصغر شويه

بنجيب اى كلبس او توكه مشبك اى حاجه عشان نثبت التوكه عليه انا كان عندى مشبك بتاع توكه قديمه انتى ممكن تختارى اى حاجه شبيهه ليه

وبنلزق الورده الكبيره وفوقها الورده الصغيره ونزينها بفصوص الماظ او خرز اى حاجه عندنا

وده شكل التوكه من الجانب فوق المشبك

اتمنى تكون الفكره والتوكه عجبتكم لاتنسونا من دعائكم
فى رعايه الله

معلش التوك مش اد كده بس بحاول اشترك معاكم فى حاجه بحب اعملها لافاده الجميع لوجه الله تعالى

شكرا ياحبيبه قلبى على ذوقك