السلام عليكــم ورحمـة الله وبركاتــة ،،
أزيكوااا..أخباركوا ايه؟؟
دلوقتى طبعا كلنا حالتنا صعبه وبنذاكر 
او المفروض اننا نذاكر 
الموضوع ده مش هقول بتعملوا ايه وانتوا بتذاكروا ..الموضوع ده عشان نتفق على خطوات نعملها لما نيجى نذاكر
الخطوات دى هتساعدنا كتيييير جدا فى الفهم وهتبارك فى الوقت ,,
يلا ركزوا معايااااا..هش محدش يتكلم
احنا تجولنا بين الطلبه وسمعنا كلام كتير جدا بخصوص فتره الامتحانات ..
واحد قال ::انا مش عارف اركز ؟؟وكل لما اذاكر حاجه بنساها
وواحده قالت::انا بهرب من المذاكره 
واى حاجه بتخلينى اقوم من على المذاكره 
وواحده تانيه قالت::انا اصلا مليش نفس اذاكر ومش عايزه اذاكر 
وواحد قال::انا بذاكر الى حد ما بس معدل انجازى بطئ جداا 
وواحد تانى قال::هى الامتحانات قربت ..هو انهارده ايه 
الخ من المشاكل والقرف والزهق من المذاكره 
احنا هنا بقه عايزين نشيل الكابه والقرف من المذاكره ,,
ونخلى المذاكره حاجه بنسعى ليها وبنتمناها
طيب ركزواا اوى ,,هنبداا اهو
عايزين نبدا بالسؤال الكبير الى كلنا نفسنا نعرف اجابته ..
هو ليه احنا بنكره المذاكره ومش عايزين نذاكر؟؟؟؟؟
نفس اجابه السؤال ده سؤال تانى
ليه سعات بنكون مخنوقين من الدنيا ومش عايزين نكون فيها؟؟
حد عرف الاجابه على السؤالين؟!
طيب انا هاخر الاجابه شويه وهسالكوا سؤال..
انت بتذاكر ليه؟؟
مممم..عشان انجح 
عشان اجيب تقدير 
عشان اشتغل 
كل دى اجابات ممكن نسمعها بس كل دول حاجات كويسه
بس احنا نسينا حاجه مهمه جدااااا
عشان ارضى ربنا واعز الاسلام فى مكانى ده
احساسك ايه لما بتشوف واحد ملتزم اول على الدفعه ,,وواحد ملتزم ساقط؟!
نفس الاحساس الى بتحسه احنا بنحسه لما نشوف حد متاخر دايما فى التقدير وملتزم
يبكون عبئ على الاسلام ,,
كل واحد وواحده فينا على ثغره من ثغرات الاسلام,,
ممكن العدو يجى منها ,,عايزين نسد الثغرات دى
تخيلوا بقه لو كل واحد فينا ذاكر بالمنطق ده,,اكيد اكيد هنذاكر واحنا راضين
ولو حتى كنا قرفانين ,,بس عشان احنا عرفنا بنذاكر ليه اكيد هنتحمل كل حاجه 
ايه الكلام الكبير ده شكلى كده هقفل الموضوع الخنقه ده 
لالالا استنى خلاص قربنا نوصل
يلا كله يطلع ورقه وقلم
انا شيفاكوا محدش طلع حاجه
يلا انا مستنيه اهو ..بسرعه طلع ورقه وقلم او افتح نود باد 
كله جاب ؟؟؟
تمام يلا نبدا بقه,,
خطوات قبل المذاكره::
1
-هنكتب على الحاجه الى بنذاكرها سواء ملزمه او كتاب 
او اى حاجه الهدف بتاعنا اننا ننصر الاسلام فى مكانا
وزودوا الاهداف يلا ,,وكل هدف ليكوا ثواب بيه 
,,يبقى بذاكر وعداد الحسنات شغال 
2-كتبنا الهدف,,يلا بقه هات المصحف,,ايوه حاااالا
اقف على وردك او لو ملكش ور جيب اول المصحف
يلا اقرا صفحه ,,
انا شايفاكوا مقرتوش
يلا اقروا
تمام كده ..طلع ايه اثرت فيك 
,,
اكتبها على الى بتذاكر فيه تحت الهدف
3-الصلاه جت ؟؟؟
سيب الى فى ايدك على طوووووول وقوم صلى حالا,,
وادعى ربنا كتييييير ان ربنا يصبرنا على المذاكره.
4-انت شاطر ذاكرت فتره كويسه ,,
يلا بقه خد بريييييييك ,,ساعه واحده بس
البريك ده هنااا تعالى هنا وقولنا ايه اخبارالمذاكره والنصايح دى فادتك ولا لا وجبلنا الايه الى انت طلعتها ,,ولو عندك هدف تانى هاته عشان نستفاد جميعااا
يلا وبكده انتهيناا
لسه الحلقات مخلصتش,,
أنتظــــــروا
اسفه انى طولت عليكوااا وجزاكم الله خيراا وربنا يعز بيكم الاسلام ويصبركم على المذاكره
و حقوم اصلي!
|
ايوووووووووووووه كده انا كمان محتاجه تشجيع
|
وفيكي ياقمر
وانا متابعه معاكى