السلام عليكم اخواتى العدولات:
انهاردة كنت عاوزة اكلمكم عن الصلاة شوية قصص وفوائد ونصائح منى ليكو يا عدولاتى علشان تستفادو واكسب ثواب
مين يعرف يمكن حد يصلى بسببى لانى عارفة ان فيه عدولاتى مش بيصلو الكبار او الصغيرين
وعلى فكرة انا كمان مكنتش بصلى بس قرات حاجات عن الصلاة وعرفت فوايدها وقررت اصلى زى كل الناس ومضيعش
حسنات خالصو ابطل سيئات
طب ايه الى مش بيخليكى تصلى ؟
طب ايه يا عدولة مشكلتك مع الصلاة ؟
ليه مش عاوزة تكترى حسناتك
متعرفيش ان الصلاة هتخليكى احسن ولا متعرفيش ان امنياتك هاتتحقق بالصلاة وان الصلاة هاتغير حاجات كتير فيكى وهتخليكى احسن
قصة عرفتها فى المدرسة عن الصلاة:
زمااااان فى مرة الابلة كانت حكيتلنا قصة واحدة مكانتش بتصلى
كان زمان واحدة شابة مكانيتش بتصلى
جيه يوم والبنت دى ماتت طبعا هتتغسل بقى
اهلهاجابو ستات يغسلوها فكان كلما واحدة تدخل علشان تخسلها تطلع وترفض وهكذا الحال طيب ليه يا ترا مممممم؟
استنى هقولك يا عدولة
فى الاخر جات واحدة منقبة وكانت طيبة راحت البيت ولاقت كل الستات واقفين ساكت جنب الغرفة ومحدش جوا
فراحت سألت اهل البت فيه ايه ؟محدش رد
الله ! يا جماعة فيه ايه؟ محدش رد بردوا
راحت الست دخلت بعد ما زهقت من السؤال ومحدش بيرد
دخلت لقت الجثة محطوطة فى اخر الاوضة استعاذت بالله وفتحت الملاية ولقت وشها وشها وشها ها اقول طيب
لاقيتوا اسووووووود زى الفحم الست اتخضت وغسلتها بالعافية وطلعت سالت اهلها البت عاملة كدا ليه فقالولها انهم ميعرفوش واتصلو بشيخ وشاف البت وقالهم هية مكانتش بتصلى مش كدا فقالو ايوة وقالهم هية هتشوف الجحيم وهاتدخل النااااار ودى اخرة الى مش بيصلى
شوفتوا بقى يا عدولات ايه الى بيحصل للى مش بيصلى
انا فى رايى انها تستاهل لانها مكنتش صغيرة وكانت شابة مسلمة ايه الى كان مانعها من الصلاةاهو زىما قلنا الصلاة مش حاجة صعبة وليها فوايد كتييير
طب اذا كان الصلاة عماد الدين زى ما انتى بتثبتى بيتك
بالعواميد لما يتبنى
اهو الصلاة بالنسبة للدين الاسلامى كدا
(الصلاة عماد الدين)
وحاجة تانيةكمان لما تيجى تاكلى الاكل بالنسبة للى مش بتصلى انتى عارفى ايه الى بيحصل ها ؟
بينزل من صوابعك دم وصديد وانتى طبعا مش شايفة
ويوم القيامة بقى دا انتى هاتتظبطى فى النار
مكنتيش بتصلى فى الدنيا هاتصلى فى الاخرة لو دخلتى النار وغصب عن عينك وتاكلى احلى كوكتيل مكون من ها قولتها دلوقتى الدم والصديد
طب ليه كلدا يا عدولة ما انتى مش هاتخسرى حاة لو صليتى متضيعيش نفسك
نيجى لفوايد الصلاة:
وطبعا فوايد الصلاة اكتر من كدا بس قلت الى اعرفوا
والصلاة ملهاش اضرار ابدا
وفى النهاية احب اقول للى مش بتصلى انها تلحق نفسها بسرعة وتبدا تصلى قبل ما يفوت الاوان واقول للى بتصلى انها متفوتش صلاتها ابدا لان الصلاة جوهر العبادة بالنسبة ليا
وعاوزة اقولكم انى انا بنفسى الى كاتبة الموضوع
وقولت فيه الى اعرفوا عن الصلاة واتمنى تكونوا استفدتوا منى يا عدولات
لا تنسونى من صالح دعواتكم
وجعله في ميزان حسناتك ان شاء الله
الحمد لله أنا بصلي من لما كان عندي 11 سنة
اتمنى متسيبيش الصلاة