حلمت خير اللهم اجعله خير
انى فى شقتنا عادى بس مكانش فيها حد الا انا والشخص اللى مرتبطه بيه واحده تانيه كده معرفهاش
كان اللى انا مرتبطه بيه ده تقريبا داخل ياخد دش ودخل وقفل الحمام على نفسه وكان بيكلم البنت دى ( دخلت
معاه ) وانا كنت واقفه ورا الباب فتح الباب معرفش يعمل ايه لاقانى واقفه بصيتله ومتكلمتش وروحت اوضتى
جه ورايا قولتله روح اعمل اللى بتعمله ملكش دعوه بيا امشى كنت بعيط
والبنت دى جت وراه تقولى يابنتى انتى مالك زعلانه ليه انا حبيبته انا اللى معزتى مختلفه انا اللى هيتجوزنى اساسا
انتى ولا حاجه بالنسباله لاقيتنى بضربها بمخده قولتلها امشىىىىى روحى وبزق فيها لغايه ما وصلتها لباب
الحمام قولتلها لولا انى بحترمه وانه الكبير هنا ( الكبير مقاما يعنى ) انا كنت طردتك بره وسيبتها ورجعت اوضتى
بعدها لاقيتها جايه بتعيط بتقوللى شوفتى اهو زعل منى عشان الكلام اللى قولتهولك مكلمتهاش ولا كنت بقول
حاجه الا انى بقولها روحى كملى معاه اللى كنتى بتعمليه امشى ومكنتش طايقاها وبتكلم بقرف
لاقيته جه بيقولى متزعليش وانا اسف قولتله بتتأسف على ايه انا مش عايزه اسمع حاجه ولا عايزه اشوفك روح
خليها تنفعك وكنت حاطه صوابعى ع عينى عشان ميشوفش انى بعيط
قجأه لاقيتنى بعدها معرفش ف مكان تانى وانا وهو قاعدين وحوالينا ناس كتير اوى وانا كنت لابسه فستان ابيض
وهو لابس بدله بيضا وبينادى عليها ولما جت قالها دى اللى مراتى مش اى حد تانى وطلعلها لسانه وقالى غيظيها
بس انا متكلمتش بس كنت مبسوطه
وبعدها لاقيت زى مايكون شريط كده البنت اللى كانت ف اول الحلم دى اتجوزت او اتخطبت لحد تانى وواحده
تانيه لسه مستنيه وواحده تالته مش فاكره كانت بتعمل ايه
وكان تقريبا هما دول البنات اللى كان يعرفهم
بس ومش فاكره الباقى وصحيت من النوم
الحلم كان بعد صلاه الفجر
الحمد لله ملتزمه وصايمه شهر شعبان لغايه دلوقتى كله
قبل ما انام كنت بسبح وبستغفر مكنتش بفكر ف حاجه
اسامى اللى فى الحلم
انا نشوى – وهو عبدالله – والبنت اللى كانت فى اول الحلم ندى تقريبا والله اعلم مش فاكره الاسم بالظبط
عندى 24 سنه