علشان اولادنا بيحبوا اكل برة وهو موش صحى وغير مضمون بطلت اشترى الهامبرجر من برة وبقيت اعملة فى البيت وممكن موش بيطلع بصورة الجاهز لكن كفاية انك مطمنة ان ولادك بياكلوا اكل صحى ونظيف ..
نبدأ بالخطوات …
المقادير …
كيلو لحم مفروم أحمر( يعنى بدون دهن خالص)
ماء بصلة كبيرة
ملح – فلفل أسود – بهارات
وقرأت ان ممكن نضيف كوب بقسماط ناعم بس انا ما جربتوش
بنخلط المكونات جيدا والافضل نسيبها فى التلاجة شوية علشان تكون متماسكة..
وناخذ قطعة من اللحم ونكورها هكذا ..
ونضعها بين طبقتى كيس نايلون …
ثم بكوب لة قاعدة كبيرة او طبق صغير نخبط عليها حتى تفرد تماما..
ولا تخافى اذا اصبحت رقيق خالص لانها عالنار بتكش وبتصبح سميكة يعنى كلما كانت رقيقة اكثر كلما كان افضل …
ونضع كيس نايلون على طبق كبير ونرص علية وحدات الهامبرجر ونضع طبقة نايلون اخرى ونضع عليها الهامبرجر وهكذا حتى تنتهى الكمية …
ونضعها فى الفريزر شوية حتى تكون متماسكة وممكن تخز ينها بالفريزر لحين الحاجة …
نجيب طاسة تيفال كبيرة وندهنها بالسمن ونضعها عالنار ونضع وحدات الهامبرجر وقليل جدا من الخل بيعطى رائحة رائعة ..
ثم تقدم مع الكايزر وشرائح الطماطم والخيار والخس ومايونيز وكاتشاب اولادك ها يفرحوا بيها كتيير ..
لما صورتها كنا فى العيد ومالاقناش طماطم ولا خيار فقدمتهالهم مع الخيار المخلل وبرضة عجبتهم اوى .
فى أمان الله وحفظة حبيباتى العدولات .
تسلم ايديك يا حبى
تم التكريم
دائما متميزة
انا فعلا بقيت اعمله في البيت اضمن
وبضيف ليه فول صويا مطحون