حمل التوأم,الحمل و الـ 3 شهور الاولى, الـ 3 شهور التانية من الحمل,اخر شهور الحمل
نصائح لحامل التوأم,تجربتي الشخصية في الحمل,
عزيزاتي العدولات هتكلم في موضوعي انهاردا عن تجربتي في الحمل بشكل سريع
لاني مش خبره اوي واول حمل ليا تقدروا تعتبروه تجربه بس
لما حملت كشفت بعد شهر ونص بالظبط ومن اول كشف الدكتورة قالتلي انهم توأم
انا ماصدقتهاش وقلتلها مش معقول تقدري تعرفي من دلوقت 
بس لانهم كانوا توأم غير متماثل وكل واحد في كيس لوحدة فكانوا واضحين وهما مش شبه بعض خالص.
على فكرة انا طول عمري بحلم اجيب توأم والحمدلله ربنا حققلي حلمي ربنا يحفظهم ويبارك فيهم ويهديهم.
المهم بقى اول 3 شهور بالنسبة ليا كانوا عذاب ومش باكل خالص وكنت مقضياها دواء ترجيع وحقن فيتامينات ومثبت وفوليك اسيد
على فكرة حمل التوأم صعب وتعبه ضعف الحمل في طفل واحد.
– في الفترة ده حاولي تاكلي الاكلات المغذية وتشربي لبن كتير وفواكه وخضار
– واول ماتصحي كلي بسكوت مالح او بقسماط عشان يقلل احساس الترجيع.
الـ 3 شهور التانين كانوا احلى شهور وهم الي استمتعت فيهم بالحمل وكنت الحمدلله باكل كويس بس بصراحة مش فاكرة اني اتوحمت على اي حاجة حتى ولادي مش طالعلهم اي وحمات.
– في الفترة دة كلي كل الي تحبيه واهم حاجة يكون مغذي ومفيد.
– حركة البيبي هتبدئي تحسي بيها من الخامس بس طول ماانتي بتتحركي مش هتحسي بحاجة لكن لما تقعدي هادية هتحسي بيه .
– هتحتاجي تاخدي كالسيوم وحديد ضروري عشان الطفل هياخد من الكالسيوم الي في جسمك وكمان عشان الانيميا.
انا فضلت اخد كالسيوم لحد التاسع ماكنتش اقدر امشي لو يوم مااخدتش
اما كلام الدكاترة الي بيقولوا توقفية في التامن عشان الراس ماتكبرش زياده وتصعب الولاده فكله كلام فاضي مش حقيقي .
اخر 3 شهور كانوا متعبين جدا في الحركة والاكل وكمان انتظار الولاده صعب اوي.
– اهم حاجة في الفترة ده انك في الوجبة الوحده ماتاكليش كتير وزعي أكلك كل ساعتين
– واتحركي وامشي كتير من اخر التامن انا المشي هو الي جاب نتيجة معايا.
– من االاكل الي ممكن تاكلية لتسريع الولاده لو كنتي مستعجلة زي يعني
( الاناناس – بهارات الكاري – القرفة )
– من الشهر السابع ولما تكوني اتأكدي من جنس البيبي تبدأي تشتري كل احتياجات النونو الجديد وتحضري شنطة الولادة.
-هتحتاجي في المستشفى جلابية مريحة وملابس داخلية وفوطة وفوط صحية لبعد الولادة
وتاخدي الحاجات الشخصية انتي ممكن تحتاجيها من وجهة نظرك وده يرجعلك انتي.
وهنا هتلاقي احتياجات المولود
مستلزمات حديثي الولادة 2024,الطفل من سن يوم الى 3 شهور,احتياجات المولود الجديد
كدة انا خلصت اتمنى تكونوا استفدتم وخصوصا حوامل التوأم وربنا يرزق كل محرومة يارب.
امبارح قريت خبر عن ست في المنيا جابت خمسه ماشاء الله انا مش عارفة ده هتتعامل معاهم ازاي ربنا يعينها
وعلى فكرة جابتهم بعد 8 سنين جواز يعني ماحدش ييأس ربنا لما يريد هيرزقك
دة صورتهم قولوا ماشاء الله وربنا يخلهوملها
سلام ياقمرات وفي انتظار رأيكم وتقيمكم للموضوع
معلومات عامة عن حمل التوأم
هل الحامل بتوأم تعاني غثيان الصباح أكثر من غيرها؟
إذا كنت حاملًا بتوأم فغالباً ستعانين من غثيان الصباح أكثر من صديقتك التي تنتظر مولداً واحداً، وذلك لأن مستويات هرمون الحمل لديك أعلى منها، فالجسم ينتج هذا الهرمون بكميات كبيرة لتتمكن المشيمة بعد ذلك بداية من الأسبوع ١٢ من تغذية الجنين، وكلما زاد عدد الأجنة زادت نسبة الهرمون.
وسيزداد الوضع صعوبة إذا كنت عرضة للإصابة بالغثيان قبل الحمل أو كنت تصابين بغثيان السفر، أو هناك روائح معينة تثير غثيانك.
ما يهم الحامل في توأم
يلاحظ الكثير منا زيادة واضحة في نسبة المواليد التوائم في الفترة القادمة و مع ان ذلك لا يظهر لنا في صورة ارقام واضحة وصريحة بمصر لعدم وجود دراسات ديموغرافية و احصائية دقيقة لكن ذلك شئ اصبح ملحوظ لدى العامة قبل الاطباء انفسهم. يرجع ذلك للتقنيات الحديثة المستخدمة في التلقيح الصناعي و اطفال الانابيب التي حلت مشاكل اشخاص كثيرون كانوا يعانون في السابق من العقم.
تحتاج المرأة في حملها لرعاية و اهتمام؛ فالحمل يمثل عبئًاجسديًا ونفسيًا كبيرًا وبالتالي يكون الحمل في توأم -نوعًا ما-عبئًا مضاعفًا وتحتاج المرأة خلاله لرعاية و اهتمام أشد. فالمعروف أن نسبة حدوث مشاكل مع الحمل تتضاعف حال كون ذلك الحمل حملًا في توأم.
ومن أبرز المشاكل التي تزيد نسبتها مع الحمل بتوأم:
١- ارتفاع ضغط الدم.
٢- تسمم الحمل.
٣- الولادة المبكرة.
٤- الأطفال المبتسرين.
٥- نزيف ما بعد الولادة.
٦- الأنيميا.
ولا تقتصر المضاعفات المقترنة مع الحمل بتوأم على الأم فقط و لكن تذهب لتصيب بعض الأجنة بزيادة في نسبة حدوث تشوهات وقصور بنمو الجنين. وعادة تختلف نسبة حدوث تلك المضاعفات بين الأجنة مع نوعية المشيمة الموجودة وتزيد حال وجود مشيمة واحدة تغذي الأجنة عن حال وجود مشيمة خاصة لكل جنين.
ولكن هناك بعض المميزات التي يستفيد منها الجنين أيضا كونه أحد توأمين عن كونه جنينا أحاديا، ففي حالات التوأم تنمو رئة الأجنة بصورة أسرع وتقل حاجتهم للحجز بالمحاضن لأن تنفسهم يكون أفضل كثيًرا من مماثليهم الأحاديين المولودين في نفس الفئة العمرية من الحمل.
تفسير تلك الظاهرة يعود لأن تنافس الأجنة على المكان الضيق و على كميات أقل من الغذاء يجعلهم في حاجة لبذل مجهود أكثر مما يتسبب في إفراز كمية أكبر من الكورتيزون الطبيعي والذي يساعد على نمو رئتهم دون الحاجة لعقار الديكساميثازون في حالات كثيرة من التوأم.
رعاية التوائم تحتاج إهتمامًا أكثر وتحتاج الأم لتوعية أكبر ومتابعة أفضل قبل وبعد الولادة. نتمنى من الأمهات الجدد اللائي ينتظرن توأم المتابعة الجيدة حتى يمتعهم الله بابنائهم وبناتهم.
وربنا يباركلك في اولادك
ربنا يحميلك يوسف و اسامة
ويرزق كل مشتاق ياااارب
مبروك التكريم
ربنا يخليكم يابنات نورتوني والف شكر على التكريم
و مبروك التكريم ياقمر
والنجوم كمان
