تسبيك اللحمة
حفظ اللحمة
تسبيك وحفظ اللحمة يا عدولات
تسبيك اللحمة يا قمرات
انا بعتبر ان دى من افضل الطرق لطهي اللحمة وخصوصا لو كنت عايزة احفظها مطبوخة في الفريزر
وده يحس بيه واحدة بتشتغل زيي وبيكون وقتي ضيق
انا بجيب اللحمة بتاعت الشهر واحدد الجزء اللي حيكون بشوربة ( مسلوقة )
انقع اللحمة الاول في ماء وخل حوالي نص ساعة
ثم اصفيها
واسخن ملعقة سمن واضيف ليها المستكة والحبهان حتي تذوب المستكة
واضيف اللحمة واسيبها شوية ثم اقلب
ثم اضيف الفلفل الاسمر والجنزبيل وورق لورا مطحون
و
اسيبهم علي النار المتوسطة وكل شوية اقلب لحد ما تنزل اللحمة كل ميتها وتقرب تشربها
اضع الملح واتركها لما تتشرب كل الميه
هنا انا نشفتها شوية زيادة علشان الولاد بيحبوها وكانوا عايزين ساندوتش
وبتكون تقريباً استوت اسيبها لما تبرد واحطها في اكياس علي قد الاكلات اللي انا عايزاها
ويوم ما اجي اعملها مجرد نصف ملعقة سمنه واضع المستكة والحبهان تحمر انزل عليهم بالميه
ولما تغلي احط اللحمة المتجمدة وبصلة
واسيبها تغلي وبعد كده اضبط الملح مش بتاخد وقت من 10 الي 15 دقيقة وبيكون عندك احلي شوربة ولحمة
