لو ابنك من محبي اسبونج بوب زي ولادي
تعالي اعمليلوة بوب وفرحية بشغل ايديكي
وعلقية على حيطة اوضتة للتزين
طريقة العمل:
اول حاجة هنختار الخامة الي هتشتغلي بيها انا اشتغلت بالفلين الملون
اسمة في مصر فومو وانا جايباه من السعودية واسمة سومو
وهتحتاجي مسدس شمع للتلزيق وقلم فلوماستر اسود ومقص
بعدين تختاري الشكل الي هتعملي زية
وطبعا مافيش اكتر من الصور ع النت
انا اخترت صورة اسبونج بوب كانت ع علبة الوان بتاعت ولادي
لو بتعرفي ترسمي انقلي الصورة زي ماهي ع الفلين
لو مالكيش في الرسم اطبعي الصورة وشفيها
لو ماعندكيش طابعة ربنا معاكي بقى وعكي
ارسمي ع كل لون الشكل المناسب لية
هنا العينين والكتف والرجل وهكذا يعني
بعد ماترسمي قصي الصورة والزقيها ع فرخ فلين كامل
والزقي كل الاشكال الي قصتيها
وكده هيطلع عندنا اسبونج بوب بعد ماجمعنا كل الحتت الي رسمناها وقصيناها
وده صورة قريبة لبوب
وكده خلاص خلصت يارب اكون عرفت افيدكم
واوصلكم طريقة عملة بابسط الطرق
وما تنسوش التقييييييييييم
سلااااااااااااااااااااااااااااااام
مشكووووووووووووووره
|
اعملهولك من عيوني ياقمر
ولا يهمك
|
الله يسلم عمرك
ولا وحده عجبها الموضوع
ولا حتى تكتب وحش