https://[/IMG]
صباح الفل والياسمين علي احلي صحبه في الدنيا 
النهارده هنعمل مع بعض طريقة جديدة للكبده
وان شاء الله تعجبكو
مقاديرنا كالاتي:-
**كيلو الا ربع كبده مقطعه صغير
**4 حبات بصل متوسطة او 2 كبار
**ثمرة بطاطس كبيرة
**6 فصوص ثوم كبار
**حبة طماطم
**معلقتين سمن انا استخدمت دهن حيواني كان عندي
**ثمرة فلفل رومي
**طبعا بهارات ملح وفلفل اسمروقرفة وزنجبيل
**معلقة صغيرة بابريكا
**ليمون
**خل
ندخل الطريقة :-
1/طبعا اول حاجة بنغسل الكبده عشان الدم يتوقف والزفارة تروح
بنعصر الليمونة عليها ونبهرها بس منحطش الملح دلوقت
ونتركها جانبنا لحد مانبشر البصل
ودي صورة :-[IMG]
[/IMG]
2/بعد مابشرنا البصل بنشوحه في معلقتين سمن او دهن حيواني لحد مايدبل شوية
زي ماهو باين في الصورة:-
[IMG]
[/IMG]
3/بعد كده هننزل علي البصل بالكبدة بتاعتنا ونشوحها
كويس لحد مالونها يتغير والكبدة تمسك نفسها ونحاول نحرك المقلاة منقلبهاش كتير عشان متتقطعش مننا
زي ماهو باين في الصورة دي بداية التشويح:-
[IMG]
https://[/IMG]
ودي صورتة بعدمااتشوحت كويس،شوفو الفرق واضح مسكت نفسها ولونها اغمق ازاي:-[IMG]
[/IMG]
4/لما تتشرب كل سوائلها
نضيف ليها مقدار من الميه كافي ونغطي عليها
5/لما تستوي الكبدة بتاعتنا نحط الملح ونكون مقطعين البطاطسية بتاعتنا مكعبات وننزل بيها علي الكبدة لحد ماتستوي
زي الصورة كده:-
[IMG]
[/IMG]
6/نفرم الثوم بتاعنا ونحط معلقة صغيرة منه مفروم علي الكبدة نئ والباقي نشوحة بمعلقة زيت
لحد مايبقي لونه دهبي وبعدين نضيفه عليها،ونضيف معلقة صغيرة من كل من الزنجبيل والقرفة والبابريكا
7/بعديها بنضيف الفلفل الرومي مكعبات صغيرة
والطماطم من بعدها مقطعة صغير خالص وياريت تكون مقشرة ونضيف 3 معالق الخل ونطفي عليها
وبألف هنا علي قلوبكو
،معلش مصورتش الخطوة دي بس ده شكلها النهائي من غير الفلفل الرومي والطماطم
[IMG]
[/IMG]
هاايه رأيكو ؟،جربوها وان شاء الله تعجبكو ،
ولو مش بتحبي البطاطس معاها ده اختياري ممكن متضيفهاش براحتك
لو عجبكو الموضوع متنسوش تدعولي دعوة حلوة بتيسيير الحال
[IMG]
[/IMG]
|
|
[IMG]
[/IMG]