ادعوا لمصر أول حاجة ربنا يحفظها ويخرجها من الأزمة دى
وادعوا للشهداء ربنا يرحمهم ويصبر أهاليهم
انا بقى بحب الفول جدااااااااا بس بحس اللى بنشترية من المطعم تلاقية مرة اسوووود اوى ومرة فيه حاجات تحسية مش نضيف احسن حاجة يتعمل فى البيت
جبت قدرةتدميس فول صغيورة من التوحيد والنور بتبقى شبة قدرة الفول الكبيرة بس صغيرة اوووى
كان فيه استانلس والمونيا جبت الاستانلس مش فاكرة بكام بس ماكنتش غالية فى ناس بتقول ممكن يتدمس فى حلة بس انا مش جربته
المهم
نشترى نص كيلو فول تدميس وربع مدشوش
وعدس اصفر هنحتاج معلقتين بس
الطريقة تنقى الفول وتغسلية تنقعية فى ميا من بليل تصحى الصبح ترمى مياة النقع (ياريت نعمل كدة فى اى بقوليات لأن اى سموم بتنزل فى مياة النقع )
وبعدين تحطية فى القدرة وعلية ميا اعلى من مستواة كتير
وتحطى علية
معلقتين عدس اصفر مغسولين
وطماطماية مقطعة 4
وليمنوة مقفولة (عشان ما يبقاش لونة اسود)
بس وتحطية على اصغر عين توطيها وممكن تحطى تحتية الصاجة كمان تنسية كاااااااام ساعة وبعدين تبصى علية وتحطى معلقتين بيكنج بودر ممكن الميا تف عادى البيكنج بودر هو اللى بيهرية يخلية طرى
وتسبية تانى ممكن تزوديلة ميا وتسبية كام ساعة وتبصى لغاية ماتلاقية اتهرى زى اللى بتشترية تطفى
بس خلاص سبية يبررررررررد
ممكن تغرفى منة فى اطباق استانلس تشيلية فى التلاجة تلعى تسخنى
او بعد ما يبرد خالص تحطية فى اكياس بلاستيك الكمية اللى تكفى تعمل طبق فى كل كيس وتشيلية فى الفريزر وتطلعية طارزة بس قبل ماتكونى محتاجاه عشان يفك
عملت الطبق ده منه اتفضلوا دوقوا
هقولكوا بعملة ازاى طبعا كلكوا بتعرفا تعملوة بس عشان لو حد مش مصرى
شوية طحينة
ملح
كمون
شطة
عصير ليمونة
زيت
قطعت فلفل اخضر رفيع اوى
ساعات ممكن اقطع طماطم
بالهنااااااااا
تسلم ايدك وفولك و فوالتك