النهاردة جيبالك عنايتى اليومية ببشرتى
انا بشرتى نوعها مختلطة
وحقولكم على كل حاجة انا بعملها لبشرتى
علشان مش خسارة فى اكتر ناس بحبهم ف حياتى بعد اهلى
نبدأ بسم الله الرحمن الرحيم
اولاً الماسك :
الماسك اللى انا هكتبه مقاديره كتيرة اوى بس نتيجته فظيعة
بجد حاجة ملحوظة جدا وتيتة نفسها قالتلى انا بقيت بيضة واحلويت
وبقيت جميلة
ودى المقادير وانا قولت المقادير كتيرة بس معلش
وطبعا المعيار بمعلقة صغيرة (معلقة شاى)
ومعلش ماصورتش المقادير مع بعض علشان كانت كتير فصورت خطوة بخطوة
نبدأ بقى وابطل رغى
المقادير:
معلقة لبن بودرة
معلقتين سكر مش مطحون
ربع معلقة ملح
نص معلقة كربوناتو
3معالق دقيق
يتبع ياقمرات
معلقة عسل
معلقة ماء ورد
معلقة لبن
معلقة كبيرة زبادى
خميرة بيرة مش فورية لأن الفورية مش بتجيب نتيجة خالص
معلش المقادير كتيرة بس والله جميل جدا
ودى الصورة فى النهاية
انا حطيته فى علبة زبادى
هو بيعمل كل حاجة بيقشر علشان فيه دقيق وسكر وقهوة والقهوة بردو بتبيض هيا والخميرة وبيضيق المسام علشان فيه ماء ورد وكربوناتو وخميرةوبينقى البشرة علشان فيه ليمون والعسل بينعم
وبعد ماتحطى الماسك تسيبيه ربع او تلت ساعة بالكتير
وبعدين تفركيه على بشرتك قبل ما تشطفيه
وبعد ما تشطفيه تدهنى وتغسلى بمنتجاتى اللى تحت
دى منتجاتى للعناية بالبشرة
تغسلى بصابونة انا بغسل بصبونة دوف
وبعدين بقفل المسام بالتونر اللى هو ماء الورد
ولما ينشف احط كريم نيفيا حلو اوى فيه نيفيا سوفت حلو بردو
وسعات برطب تحت عينى بزيت اسمه جنين القمح قبل النوم
اتمنى انى اكون افدكم بتجربتى وبمنتجاتى
يبقى اكيد انتى عسل ع الحقيقة على فكرة ههههههههههه
|
شكرا ياقمر والله اخجلتى تواضعى