احلي كفتة حاتي
هي سهلة جدا بس محتاجة شوية تكات
يلا بينا نبدأ علي بركة الله
المقادير
750 جرام لحم مفروم
250 جرام ليه مفرومة مع اللحمة
مهمة اوي اللية لأنها بتطري الكفتة و تخلي طعمها خير
و مش تخافي كده كده هي هتسيح و هتسيب الكفتة
نص كيلو بصل مفروم ناعم و مصفي من مائه
و هنعرف ازاي تتخلصي من كل مائه بسهولة
توابل براحة راحتك
الكفتة بتموت في البهارات
انا استخدمت
( كاري و كبيبة صيني و سماق و قرفة و فلفل اسود و هيل و بهارات كفتة و زنجبيل )
1 طماطم مبشورة
1 ليمونة
نبدأ الطريقة
اولا هنجيب البصل
و نبشره بالمبشرة
و نضعه في مصفاة ضيقة المسام
تمام كده و نضع عليه ملح عشان
يتخلص من مائه بسرعة
و نعصر البصل كويس جدا
خدي بالك اي مية هتخلي الكفتة تفك منك
و دي مية البصل
استني
اوعي ترمي مية البصل دي
دي متعوب عليها
هههههههههه
نضع عليها
الطماطم المبشورة
و جزء من توابلنا
و كمان نعصر الليمون
و ننقلها بقي في طبق اكبر عشان
لما نيجي نصبع الكفتة
نضع توابلنا علي الكفتة
و البصل
و نحاول نخليها تتجانس مع بعض
انا عملتها بايد الصلاية
المهم انها تتجانس كويس
كده
و دلوقتي جه وقت التصبيع
احنا قلنا كفتى الحاتي
يبقي لازم نعمل زي الحاتي
و يتم تصبيع الكفة علي حاجة زي السيخ تدي تفريغ في الكفتة
زي مثلا المعلقة الخشب اللي تقريبا في كل البيوت
هناخد المعلقة و نبللها بمية البصل و المكونات الاخري
و ناخد جزء من اللحم و نصبعه علي المعلقة
و كبري حجم الكفتة عشان تبقي زيي الحاتي
و خدي بالك هي كده كده هتخس اللية هتسيح
و طبعا طول ما انتي بتصبعي الكفتة
تعملي عملية تثبيت ليها علي المعلقة في المرحلة دي بيسموها عملية تفريغ الهوا
تبللي ايدك بالتتبيلة و تحطيها علي الكفتة
عشان تاخد طعم مية البصل
الحمد لله
خلصنا تصبيع
ممكن اوي تكتفي بالمرحلة دي و تفرزيها لوقت زنقة
هنا بقي جينا للتسوية
هتسخني طاسة كويس جدا
و تحطي نقطتين زيت
و تنزلي بالكفتة تعمل صدمة
و نتابعها و بعد ما تستوي
و بعدين نحرق فحمة
و نضعها علي الكفتة و نغطي علطول
واوا
يلا نقدم
و طبعا مش ننسي الطحينة
اتمني تكون عجبتكو
اللحمه مفرومه وجاهزه جوه
بس انا بعملها كده علطول يا همس
وبرضو حجمها بيقل خاااالص وبتبقى مش طريه
تفتكرى ايه السبب؟؟؟؟؟؟
