[عشت عمرى كله فاكر .. الكلام و الصمت حق
إن كلمة آه و حاضر .. برضو ممكن تبقى ﻷ
إن رفضى مش إهانة .. إن صوتى يكون بصدق
إنى اقاوح أو أعاند .. أو تدق كفوفى دق
عشت عمرى كله فاهم .. اليمين غير الشمال
كل أبيض يعنى أبيض .. و السواد مفهوش جدال
كل ضحكة يعنى فرحة .. كل دمعة شايلة حزن
كل غيبة يعنى لهفة .. كل لهفة تبقى حضن
إنما دلوقتى شايف .. كل صورة بألف وش
كل صاحب حق خايف .. و اما تشخط فيه يكش
و اكتشفت ف النهاية .. البطولة مش عظيمة
البطولة .. فيلم سيما .. و الجموع زى الفشار
اللى بيطقطق له قيمة .. و اللى فاهم مات هزار
يسلمووووووووو
شكرااااااااااا لك اختى
بس ده من تاليفك؟؟؟
روووووعه
الف مبروك التثبيت والخمس نجوم يا قمر