3 كوب سكر
2 كوب ماء
نصف ليمونة
فانليا
ضعى السكر والماء على بعض فى اناء ولما يدوب السكر ويغلى شويع حطى الليمونه والفانليا وسبيهم يغلو شويه لحد ما توصلي للقوام المطلوب
ثانيا:- مقادير المهلبية
خمسة كوب لبن (واحد لتر)
خمسه ملعقة كبيرة نشا
عشرة ملاعق كبيرة سكر
فانليا كيس
يعنى كل كوب لبن عليه واحد نشا واتنين سكر
ثالثا:- طريقة المهلبية
تغلى اللبن وبعدين تحطى السكر وتدوبيه وتكونى مدوبه النشا فى قليل من الماء البارد وبعدين تصبيها مرة واحده وبسرعة مع التقليب السريع اهم حاجة السرعة فى الخطوة دى عشا ن مش تكلكع وتسبيها شوية لغاية ما تتماسك مع التقليب كل شويه عشان مش تلزق من تحت وبعد كده شليها من عالنار
رابعا:- الجلاش
لفة جلاش نصف كيلو سمنة او زيت زى ما تحبى استخدمي سمنة بلدى بس لازم تسيحيها شويه الاول مكسرات اللى تحبيها
خامسا:-الطريقة
1- نجيب الصينية وندهنها سمنة وبعدين تفردى رقاقات الجلاش مع جعل اطراف الجلاش تدلى خارخ الصينية مع رش سمنة بين كل طبقة وطبقة حتى تنهى من نصف الكمية
2-وبعدين تجيبى المهلبية وهى سخنة تصبيها فوق الجلاش وبعدين ترشى المكسرات اللى انتى عاوزاها
3-ثم تقفلى اطراف الجلاش على بعض وبعدين تكملى باقى طبقات الجلاش والسمنة وبعد انتهاء الكميه قطعى الجلاش قبل ماتدخله الفرن بس مش توصلى السكينة لتحت يدوب الطبقة اللى فوق بس
4-ثم دخليه الفرن على درجة 200 حتى ياخذ اللون الذهبى واول مايطلع وهو سخن صبى الشربات
