[/IMG]كلا من يحاول التغيير والتجديد
واحيانا الاختراع ههههه زي حالاتي بالطعام لكسر الروتين اليومي للطعام.
زهقنا من مكرونة بالبشاميل التقليدية باللحمة المفرومة
فأخترعنا النجرسكو الي هي عبارة عن مكرونة بالبشاميل بس بصدور الفراخ بدال اللحمة
وطبعا البشاميل بيكون خفيف شوية عن العادي ،
وبنضيف ليها اي نوع جبن زي (الموتزريلا/الرومي/الشيدر بيبقي تحفففة بصراحة طعمها بيكون اجمد حاجة فيها)
لان الفراخ بيليق معاها الجبن اكتر
وبتكون حلو معاها اوي الزيتون المخلي
انا بئه كسرت الروتين عالاخر ههههه
عملت مكرونة بالبشاميل بس بالسوسيس ومافيها اي تغيير هي نفس المكونات والطريقة
بس هقدمهلكو بالتفصيل الممل و بالصور لكل خطوة كمان ان شا الله محد حوش هههه
انا عندي مين عني اعز واغلي منكن ياقمراتي
المكونات:-
**كيس ونص مكورنة اقلام ولو عندك نوع تاني مفيش مشكلة يعني نقول حوالي نص كيلو مكرونة
2 بيضة كبار
5 معالق دقيق
4 معالق نشا
**يفضل كيلو لبن بس انا مكنش عندي غير نص لتر مبستر بخيره ،ضيفت ليها 2كوب مياه +مكعب مرقة دجاج
**بصلة متوسطة
**علبه صلصة صغيرة يعني حوالي معلقتين كبار كده معجون طماطم
**طبعا ملح وبهارتنا(فلفل اسمر/رشة قرفة/زنجبيل/توم وبصل بودر)
**نص كيلو سوسيس الي هو اساس الوصفة
**معلقة سمنة لدهان الصينية
(ياحبذا لو عندك زيتون مخلي واي نوع جبن من اللي قولنا عليها بجد بتفرق في الطعم جداااااا)
بس للاسف مكندش عندي فمشيت نفسي بالي موجود
ودي صورة تجميعية ليهم بس نسيت احط البصلة معاهم معلش:-
[IMG]
[/IMG]
اه الكمية دي تعمل معكي صينية تكفي حوالي 5 او 6 افراد لانها بتعمل صينية كبيرة
ندخل علي الطريقة:-
1-هنعمل الباشميل من غير اي دهون خااااالص،نحط اللبن عادي خالص بارد وندوب فيه النشا والدقيق ونحط توابلنا ملح وفلفل وشطة حسب الرغبة ونرفعه علي النار لحد ماسمكه يبقي وسط ،
ولو في شوربة او مرقة دجاج زي منا عملت يبقي ندوب كله نرفعهم عالنار مع بعض لحد مايتقل وبعدين نطفي وكده محتجناش اي دهون لاسمن ولازيت .
ودي صورته:-
[IMG]
[/IMG]
2-نغلي مياة بحلة كبيرة مع معلقة ملح ومعلقتين زيت عشان المكرونة متلزقش، ونفضي فيها كيس ونص مكرونة تتسلق يعني حوالي 500 غرام نصف كيلو ،ممكن نسلقها نص سلقه بس مش هنغسلها عشان تحافظ علي النشا فيها وتمسك في بعضها لما نيجي نقطعها متفرفتش منا،
وادي صورتها اونا بسلقها:-
[IMG]
[/IMG]
ودي صورتها بعد ماسلقتها من غير مااغسلها:-
[IMG]
[/IMG]
3-ندخل علي الحشوة بتاعتنا:-
نجيب السوسيس ونقطه حلقات وبعدين نقطع البصلة صغير او وسط ونشوحها مع السوسيس بشوية زيت في صينية او حلة حوالي 5 دقايق كده علي المكرونة ماتهدي نخلص احنا الي ورانا طبعا بنحط عليها رشة فلفل اسمر برضه خفيفة
،وادي صورتها كمان وانا بشوحها:-[IMG]
[/IMG]
4-نحصر الصلصة بتاعتنا:-
معلقتين معجون صلصلة كبار +ملح+فلفل اسمر+معلقة صغيرة توم بودر وبصل بودر+مياه نخفف بيها المعجون حتي يصبح خفيف شوية كده معانا عشان نعرف نقلبه مع كل الكمية،وادي الصورة:-
[IMG]
[/IMG]
5-نرب البيضتان مع بعض برضه برشه ملح وفلفل اسمر
ونضع بيضة مع البشاميل ونقلبها كويس معاه والباقي نسيبه للوش، وادي الصورة:-
[IMG]
[/IMG]
6-هنحط المكرونة المسلوقة في حلة عشان نقلب كله مع بعض وفوقها الصلصة بتاعتنا ونقلب لحد ماالصلصة تتوزع مع المكرونة كويس وبعدين ننزل بثلثي البشاميل علي المكرونة والباقي طبعا كلنا عارفين لوش الصينية ونوزعه كويس وبعدين نضيف السوسيس الي شوحناه بالبلة وبرضه نوزعه كويس وبراحة عشان ميتهريش واحنا بنقلبه لانه بيكون طري شوية طبعا عن المفروم والفراخ،
كده خلصنا تمام علي استعداد اننا نحطهم في صينية الي هتدخل الفرن
وادي صورتهم في الحلة:-
6-بعد كده نزلناها في صينية الفرن ووزعناها كويس وحطينا علي وشها من فوق البشاميل وساوينا الصينية وبعدين ضيفنا البيضة علي الوش واي صورتها قبل ماندخلها الفرن:-
[IMG]
[/IMG]
بتقعد في الفرن حوالي ساعة علي نار متوسطة لان انا فرني حامي شويتين عشان صغير انما لو كبير ممكن تعليه شوية
7-وده شكلها بعدما طلعت من الفرن:-
[IMG]
[/IMG]
كده الحمدلله خلصت،
طعمها تحففففة يابنات والله وتغيير عن التقليدي،
ايه رأيكو تجربوها ولو عجبتكو متنسوش تدعولي دعوة طيبة انا اولادي،
ولو عجبكو الموضوع شجعوني كده وقيموني.
[IMG]
[/IMG]
[IMG]
[/IMG]
جارى التجربة
|
|
تسلمو حبيباتي
نورتوني
تم التكريم
|
تسلميلي حبيبتي نورتيني