بسم الله الرحمن الرحيم
عندي ليكم قصة حلوة اووووي اسمها الزائر الليلي.
ان شاء الله تعجبكم
يلا نبدأ:
كانت في بنت اسمها فيروز و كانت عايشة مع بابها و مامتها في فيلا كبيرة في المعادي و كانت لسه جديدة في المنطقة و كانت مش عارفة حد خالص اولاً تعالوا نتعرف بالشخصيات:
فيروز :بنت عندها 20 سنة
هند : ام فيروز
صاصا: ببغاء فيروز
عادل: ابو فيروز
_________________
____________________
فيروز صحيت من النوم الصبح علي صوت طلاقات رصاص كانت موجودة في الجنينة بتاعت الفيلا الكبيرة بتاعتهم …
صحيت متخضية من الصوت و لقت في جثة في الجنينة …
نزلت السلالم و هيه حتموت من الفزع لقت ان الجثة اختفت ..
و لكن هيه كانت متأكدة انها شافت حد اتقتل في الجنينة …
و طبعاً لو حكت لحد لقال عليها ان خيالها واسع اووي و لكن حتي لو كان خيال ايه اللي يخليها تتخيل ان في جثة في الجنينة ….؟
طبعاً شالت من بالها كل اللي حصل و دخلت الحمام و هيه بتتمني تنسي كل اللي حصل و لكن دخلت تاخد شاور لاقت جثة في البانيو و كانت حتموت من الفزع و الرعب طلعت جريت من الحمام و هيه مش عايزة تصرخ علشان متصحيش حد في البيت و طبعاً نسيت و دخلت الحمام تاني و خدت شاور و نزلت لقت ان بابها و مامتها في التراس مستعدين لرحلة جديدة في مدينة الملاهي و طبعاً دخلت لقت صاصا(البغبغان) في التراس فراحت المطبخ و جبت لب الشمسي تحطهوله علشان يفطر و طبعاً طبطبت عليه كالعادة و هيه بتقول ازيك يا صاصا يا امور؟؟
طبعاً رد عليها و قال في صوت مضحك اووي:
الحمدلله يا فيروز
و قعدت علي الكرسي و قررت انها متقلش لمامتها او بابها عن اللي شافته النهاردة الصبح ..
و طبعاً قال لها بابها و قال في صوت منخفض علشان البرد اللي عنده:
ان شاءالله النهاردة حنروح الملاهي
ردت فيروز في صوت مرتعش من اللي شافته النهاردة الصبح:
اعد انتا يا بابا هنا و انا مش عايزة اخرج بس اعد انتا ارتاح من البرد دى …
الدكتور عادل: ان شاء الله يا فيروز..
و طبعاً كعادة فيروز نزلت الجنينة و لكنها افتكرت الجثة اللي كانت موجودة النهاردة الصبح,.و بكدة قررت انها تشوف المكان اللي اتخيلت في مكان الجثة النهاردة الصبح..
و لكنها طب في دماغها سؤال و قالت في نفسها يا تري كانت جثة مييين؟؟
و هيه اعدت شافت عربية جاية من بعيد اووي افتكرت ان احد السكان اللي جمبهم جيه و حتتعرف علي اولادهم و تلعب معاهم و لما العربية قربت لقت فيها رجل لابس اسود و طلع من العربية و كأنه مشفهاش و فتح العربية و طلع منها بعض المشترويات اللي من السوبر ماركت اللي كان جمبهم و افتكرت لما بابها قال لها ان المعادي مكان للأغنياء و ان نادر جداً اما يكون ليهم اطفال ..و طبعاً دة خلي فيروز تفقد الامل انها تلاقي حد تتكلم معاه علي الاقل…
و فجأة لقت حد بيناديها من واره و بيقول:
فيروووووووووووووز…..
الصوت كان مخيف لأنه كان صوت حد بيتألم
لفت فيروز علشان تشوف…..
______________
التكملة بعدين
