أهم حاجة فى العناية بالبشرة هى اولا : التنظيف ثانيا: الوقاية
برامج تنظيف البشرة بتكون ثابتة لمختلف انواع البشرة اللى بيفرق بس نوع المنظف و الكريم اللى بنستخدمه للبشرة.
عندنا برنامجين اساسيين للعناية بالبشرة واحد يومى و الثانى اسبوعى
برنامج العناية بالبشرة اليومى عبارة عن:
1- منظف.
2- تونر.
3- كريم مرطب
اما البرنامج الاسبوعى فعبارة عن:
1- منظف.
2- تونر.
3- صنقرة Scrub
4- ماسك
5- مرطب للعين
6- مرطب للبشرة.
تعالوا مع بعض بسرعة نتعرف على أهمية كل خطوة.
1- بالنسبة للمنظف بيقوم بتنظيف البشرة بعمق و بطريقة تحميها من الجفاف و الالتهابات اللى ممكن يسببهم لها الصابون .
2- اما التونر قيبعمل على غلق المسام علشان ميتجمعش فيها التراب و تسبب الحبوب و البثور السوداء.
3- ال Scrub او الصنقرة فبتعمل على ازاة الطبقة الخارجية من الجلد و بذلك تسمح للبشرة بالتجدد و تضمن لها النعومة الدائمة و النضارة كمان بتشيل البثور السوداء من البشرة بطريقة امنة.
4- الماسك بقى له اكتر من وظيفة : بينظف و بيرطب و بيشيل البثور السوداء.
5- أما مرطب العين فبيعمل على تقليل الانتفاخات و ازالة الهالات السوداء الناتجة عن السهر و شرب المنبهات و فى بعض المرطبات بيدخل فى تكوينها الكولاجين فبتساعد على ازالة الخطوط الرفيعة و التجاعيد الموجودة حول العين.
6- اما بقى مرطب البشرة فدوره هو تغذية البشرة و بينقسم لنوعين كريم نهارى و كريم ليلى
الكريم النهارى بيكون خفيف و مكوناته سهل امتصاصها من قبل البشرة لتجديد و اراحة البشرة اما الكريم الليلى فبيكون اتقل شوية و بالتالى بيكون فيه مكونات تجدد و تغذى البشرة.
اول بشرة حنتكلم عنها هى البشرة الجافة لكن ده فى الايميل الجاى انشاء الله
لو حد عنه استفسار عن اى حاجة انا فى انتظار ايميلاتكم , و تليفوناتكم