اهلا بيكم يا عدولات فى الدرس التانى من الحمله
أسماء المشتركات
مريم العسل السكر
ميرو القمر
ايمان مجاور
Ana crazy
ام سكر
♥عائشة قدوتي♥
بسكوته بالشوكولا
طم طم 2024
mycat
قصة شتا
ندى ام
مامى 2
فى بنات كتير مش رديت على الدرس الاول
كده هزعل والمره اللى جايه هصفى المجموعه وهلغى الاسامى اللى مش بتدخلى تشارك معانا
موضوعنا انهارده عن العنايه بالفم :
. الاسنان
. اللثه
. اللسان
. الشفايف
مش هنطول فى الكلام وفى المنتجات
كلنا على قد حالنا يا مورا
يعنى متفضليش تلكى وترغى كتير فى منتجات وفلوس كتير
حاضر يا عدولات
هتكلم من غير منتجات تشتروها ولا فلوس تدفعوها
انا حلوه كده ؟
. بصوا بقه احنا فى غنى عن مشاكل الاسنان بجميع انواعها واشكالها
وفى غنى عن ريحة الفم الكريهه
ومش عاوزين شفايف ناشفه وباهته ومتشققه
طب نعمل ايه ؟
. فرشاة اسنان ناعمه ودى مناسبه لكل واحده بتعانى من مشاكل او لاء
. معجون اسنان عادى او مبيض وتأكدى انه يحتوى على الفلورايد لتقوية مينا الاسنان
( نغسل اسنانا بالطريقه دى )
ويكون بطريقه دائريه علشان منجرحش اللثه
. فرشاة اسنان مخصوصه للسان
انتوا عارفين ان من اسباب ريحة الفم الكريهه عدم الاهتمام بنظافة اللسان
طب نعمل ايه ؟
نخصص فرشاه للسان ونغسل اللسان من جوا لبرا بالطول مش بالعرض علشان ميتجرحش بقليل جدا من المعجون
ومع الاستمرار هتلاقى لسانك بقه لونه وردى ورجع لطبيعته
والبكتريا البيضا اللى بتبقه على اللسان هتروح
ونفسك هيبقه حلو ومنتعش
طب الشفايف يا موار عاوزاها تبقه وردى ومن غير قشره اعمل ايه ؟
. وانتى بتغسلى اسنانك يا عدوله طبعا هتغسلى اسنانك 3 مرات فى اليوم
فى اخر مرة اللى هى قبل النوم هتعملى مساج او تقشير لشفايف براحه خالص
هتفتحى المايه السخنه اوووووى وتحطى تحتيها الفرشاه وبعدين تمشى بيها على شفايفك راحه لمدة دقيقه
وبعدين تدهنى فازلين او زبدة كاكاو وتمشى بالفرشاه تانى على الشفايف وبقطعة قماشه صوف تفركى شفايفك هتلاقى قشور زايده طلعت من شفايفك
تروحى عامله ايه
تغسلى شفايفك بماء فاتر من الحنفيه وترطبيها بالفازلين وبس كده
ومره فالاسبوع نخليها يوم الجمعه هنعمل صنفره اللى هى ايه ؟
سكر وزيت زيتون وبطريقه دائريه نحركها على الشفاه وبعدين نستخدم الفرشاه وبعدين نعمل ماسك زيت زيتون على عسل نحل وندهن الشفايف لمده ربع ساعه وبعدين نغسلها ونرطب
نيجى بقه للمضمضه :
انا يا مورا مش بحب المضمضه ومش بستعملها
لا يا عدوله دى مهمه اوى والله ولو مش بتحبى طعم المضمضه الطبيه اللى هى من الصيدليه اعمليها فالبيت يا ستى مالكيش اى حجه اهو
المضمضه بتفيد فى ايه وبتحل مشاكل ايه :
. لمن يعانون من مشاكل فى التسوس
. لمن يعانون من مشاكل فى اللثه
. لمن يعانون من جفاف الفم
. القضاء على البكتيريا المزعجة في الفم خلال 30 ثانية فقط.
. للتخلص من رائحة الفم الكريهه وانعاش الفم
. تحد من الالام الاسنان وتعالج اى التهاب فى اللثه وتقوي اللثه
. تأمين حماية للفم لمدة 12 ساعة.
. الوصول الى الأماكن التي لا تستطيع الفرشاة الوصول إليها، بين الأسنان واللثة.
. كما يجب ان تكون الاسنان نظيفة بقدر الامكان قبل استعمال سائل المضمضة حتى تتم الاستفادة الكاملة منها وتفى بمفعولها
اختارى بقه مضمضه من الانواع دى يا عدوله :
. زيت زيتون : تاخدى معلقتين على الريق تتمضمضى بيها 3 مرات فى اليوم
. ملعقه من القرنفل على كوب ماء وتغليهم غلوتين عالنار وتستخدميها 3 مرات فى اليوم بعد كل غسيل اسنان
. مضمضة ماء وملح فقط
وطبعا الملح غنى عن التعريف لأنه ماده معقمه طبيعيه سبحان الله تقتل البكتيريا والجراثيم
والطريقة: ضعى الماء على النار يغلى ثم اضافة الملح
واتمضمضى بيها 3 مرات فاليوم
. ودى بقه مضمضه وغرغره كمان :
هى مضمضة فعالة فى الوقاية من وعلاج التهابات اللثة وآلام الأسنان – وعلاج لالتهاب الحلق واللوز والسعال والبلغم المقادير
ملعقة صغيرة من كل من الآتى – مطحون:
نعناع
زعتر
كزبرة
ريحان
حبهان
قرفة
قرنفل
شبت
جنزبيل
اوريجانو
بردقوش
روزميرى
ملح
كل من المكونات السابقة لها فوائد كثيرة – يمكننا اضافتها كلها او ما يتوافر منها لدينا – فى لتر ماء ونغليهم على النار خمس دقائق – وبعد ان يبرد نحفظ المضمضة فى زجاجة لتر بالثلاجة – على ان نأخذ منه فى زجاجة صغيرة نضعها فى الحمام للمضمضة اليومية – وكلما فرغت نملأها من زجاجة الثلاجة
طريقة استخدام المضمضه بقه ازاى ياختى يلى شغاله رغى من الصبح انتى ؟
أولاً: أضيفي حوالى 20 ملم من غسول الفم، بالنكهة التي تفضلين، الى كوب صغير.
ثانياً: قومي بالمضمضة بواسطة الغسول في جميع زوايا الفم، مع الحرص على غلق فمك وإحكام إطباق اسنانك وتفادي إبتلاعه.
ثالثاً: إستمري في هذه العملية لمدة 30 ثانية .
رابعاً: قومي ببصق الغسول في المغسلة.
خامساً: إحرصي على غسل فمك بواسطة الماء بعد الإنتهاء.
وفى كمان خيط الاسنان للتنضيف بين زوايا كل سنه
بس سمعت انه غلط والله اعلم
وفى ناس كتير بتستخدمه وبتضرر اللثه
ف مش عارفه اقولكم استخدموه ولا لاء
. ممكن نستخدمه مره واحده فالاسبوع وخلاص ويبقه كده مخسرناش حاجه لو مضر هيبان ولو مضرش اهو نضفنا اسنانا من الزيادات اللى بتبقه بينها
ضعي مختلف أدوات تنظيف الأسنان من فراشي ومعجون وخيط ومضمضه في متناول جميع افراد الاسره وكونى قدوه لهم فإن اعتنيتِ جيداً بأسنانكِ، سيفهم أولادكِ أهمية الصّحة الفمويّة بالنسبة إليك. ولهن تبدو له عظاتكِ وتعليماتكِ وإنتقاداتكِ مجرّد هباء وسيتحمّلون أكثر مسؤولية أسنانهم.
المطلوب :
. بتستخدمى فرشاة اسنان ناعمه ولا عاديه وماركه ولا مجهولة المصدر ؟
. نوع معجون أسنانك ؟
. بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟
. بتستخدمى مضمضه ؟
. استفدى ايه من محاضرة انهارده
وناويه تعملى ايه منها بس قولى بأمانه ؟
مبروك التكريم يا قمره
لان بصراحه بعاني من اللثه والشفايف
وجرب طريقه مسك الشفايف وهقولك النتيجه
شكراحبيبتي
. بتستخدمى فرشاة اسنان ناعمه ولا عاديه وماركه ولا مجهولة المصدر ؟
ناعمة / فرشاة سيجنال
. نوع معجون أسنانك ؟
سيجنال
. بتعملى تقشير لشفايفك ؟ بتهتمى بيها ؟ بتستخدمى مرطب ليها اسمه ايه ؟
زبدة كاكاو لونا
. بتستخدمى مضمضه ؟
لا
. استفدى ايه من محاضرة انهارده
وناويه تعملى ايه منها بس قولى بأمانه ؟
بجد مفيدة جدا بسم الله ما شاء الله عليكى مش بتسيبى اى تفصيلة
و هعمل دى عجبتنى اووى
. مضمضة ماء وملح فقط
وطبعا الملح غنى عن التعريف لأنه ماده معقمه طبيعيه سبحان الله تقتل البكتيريا والجراثيم
والطريقة: ضعى الماء على النار يغلى ثم اضافة الملح
واتمضمضى بيها 3 مرات فاليوم
و كمان هعمل الصنفرة للشفايفى مع انهم حلوين و طعمين ههههههههه
تسلمى يا احلى مورا
|
تسلمى يا قلبى
|
ربنا يخليكى يا ام طاطو
وياريت تكونى استفدى
|
منوره يا قمر
وجربى كمان المضمضه هتدعيلى
|
تسلميلى يا نوده يا قمر
وبالنسبه للمضمضع اعملى نوعين
اصل مضمضة القرنفل حلوه اوى بتحسى بانتعاش
ولو سهيت او نسيت عن حاجه فالموضوع وتحبى نتكلم فيها ياريت تقولى
جلا من لا يسهو