عاملين ايه
أنا قولت بما إنى دمياطية حبيت أقولكم على طريقة
المرغولة
لمن لا يعرفها
دى أكلة سهلة التحضير ومش هتأخذ منك أكثر من 10 دقائق
وممكن تأكليها على الغذاء أو العشاء
وكمان مغذية جدًا ومش مكلفة
بصى يا ستى
المقادير
كوب ملوخية ناشفة
2 طماطم
2 خيار
2 فلفل أخضر
فلفل حامى اختيارى لمحبى الأكل الحار
بصلة
عصير ليمونة كبيرة
2 ملعقة زيت
ملح
فلفل
كمون
قشر يوسفى مملح اختيارى بس بيعطى طعم لذيذ
ماء
الطريقة
تقطع جميع الخضراوات والبصل إلى قطع صغيرة وتخلط معا ونضيف عليها الزيت والتوابل وعصير الليمون وتوضع فى طبق عميق
نحضر طبق عميق آخر ونضع فيه الملوخية الناشفة ونزود عليها الماء ونقلب حتى نحصل على قوام حلو لا هو سائل ولا سميك جدا
ثم نضيف هذا المزيج على الخضراوات السابقة ونقلبها معا ونتذوقها ونضبط الملح
لو حسينا انها ثقيلة نزودها قليل من الماءولو خفيفة ممكن نضيف قليل من الملوخية الناشفة
وتقدم مع الخبز خاصة العيش الناشف
المقادير دى هتعمل طبق كبير
وبالهنا والشفا
للأسف مفيش عندى صورة
بس أكيد الدمايطة عرفين الأكلة دى
شكراً
|
شكرا لك حبيبتى