قبل مانشوف التسريحات احب اقولكم شويه نصائح للعنايه بشعر اطفالنا:
* العنايه الحقيقيه للشعر تبدا من الداخل يعنى لازم نهتم باكل اطفالنا كويس ونزود على قد ما نقدر فى الخضراوات والفاكهه.
* غسل الشعر بالشامبو المخصص للاطفال . وبلاش نغسل الشعر قبل النوم عشان طفلك مينمش وشعره رطب.
* انا احبذ اننا مش نستخدم السشوار ولا البيبى ليس " المكواه السيراميك" والجيل ومثبتات الشعر خالص خالص خليهم يعيشوا طبيعى على قد ما تقدروا.
* نمشط الشعر من الاسفل " الاطراف" ونطلع بالتدريج ومن غير شد الشعرالكتير علشان ده بيسبب ضعف فى بصيلات الشعر.
* واخيرا منربطش الشعر بشده علشان ده يسبب تساقط الشعر.
