صباح الخير عليكو ياقمرات
النهارده جايبلكو وصفة الكنافة بالكريمة يارب تعجبكو وهقولكو علي الطريقة بعدها
معلش اصل مليش في التصوير بس هنزلكو صورتين كده علي ادي
[IMG]
[/IMG]
[IMG]
[/IMG]
1*****اول حاجة جهري السيرب بتاعك انا عملت 2 ونص كوب سكر علي كوب ونص ميه وسيبتهم علي النار هادية لحد ماتقلو كده حوالي نص ساعة او ربع وقبل مااطفي النار ضيفت عصير نص ليمونة واقل من دقيقة طفيت الناروضيفت رشة فانيليا
2******بعد كده عملت 3 كوبيات لبن و6 معالق نشا
بس شيلت نص كوب لبن عشان ادوب فيه النشا واول ماللبن سخن شوية حطيت نص كوباية اللبن الي دوبت فيها النشا وفضلت اقلب بسرعة لحمد قوامها مسك كده وبقت تقيلة حاولي تخليها تقيلة شوية عشان تبقي حلوة وماسكة نفسها جوة الكنافة وبعدين نسيبها تبرد علي ماتحضري الكنافة
3***********تجيبي صينية واسعة وحوالي نص كيلو كنافة فرفتيها بس عشان تعرفي تقطعيها صغير حطيها تتجمد في الفريزر وبعدين حطي عليها سمنة انا حطيت كيس ونص سمنة من ابو جنيه
تجيبي الصينية تدهنيها سمنه كويس من تحت وتتاكدي انك فركتي السمنة والكنافة مع بعض كويس ويعدين تحطي نص المقدار واضغطية كويس بأيدك وتحاولي تخليها متكونش سميكة عشان لسه هتحطي الحشو وبعدين تضيفي الحشو بتاعك (الكريمة)بس حاولي متخليهاش تيجي عند الاطراف عشان متتحرقش وارفعي الاطراف شوية بتاعت الكنافة وبعدين ضيفي نص المقدار التاني واضغطي براحة عشان الحشو ميطلعش من الاطراف وخليها فرن سخن نار متوسطة ولما تلاقيها حرفت من الجناب كده واحمرت وطي عليها وبعدين اطفي الفرن وشغلي الشواية وخليكي جنبها تابعيها عشان متتحرقش منك لاقدر الله واسقيها وهي سخنة كده السيرب بارد
في حاجة كده ممكن تزودي علي الكريمة معلقتين قشطة لو اللبن خفيف بس انا اللبن الي كان عندي ماشاء الله مش محتاج لانه دسم وبألف هنا مقدما وابقي ادعيلي
بس سيبيها تهدي متقطعهاش علطول عشان متفرفتش منك
[IMG]
[/IMG]
|
تسلمي حبيبتي في الله
جزاكي الله كل خير
نورتيني
تم التكريم
مع اضافة 5 نجوم