السلام عليكم يا عدولات انا اختى بنتها عندها 6 سنوات وللاسف مفيش مدرسة راضيه تقبلها وهى محتارة مش عارفه تدخلها مدرسة لغات خاصة بس اختى ضعيفة جدا فى اللغة وخايفة ما تقدرش تتابعها ولا تدخلها ازهرى وتهتم بالقرءان بس هى بردوا خايفة من المواد الشرعيه عايزة اعرف رأيكم بسرعة
مش عارفه والله يا سكاسك دى مقدرش افيدك فيها بس اكيد فى مدارس لغات حتلاقيها اغلى شويه ممكن تدخلها ولو سنة وبعدين تنقلها مدرسه تانيه
هى لو مشكلتها اللغة ممكن تاخد كورسات او تجيب للبنوته مدرسة خصوصية
معلش تصبرلها سنه مش مشكله يعني وبعد كده تدخل مدرسة عادي ولو مستعجله ع تدريسها تجيبلها مدرسة خصوصي ع البيت
انا مع راى الاخوات وربنا يوفق
يا جماعة المشكلة ان عمرها 6 سنوات ولم تقدم فى اى مدرسة kgوكل المدارس الموجودة بجانبها نموذجى اوتجريبى اوازهرى نموذجى تشترط ان تكون عندهم من اول kg و هى اصلا كانت فى مدرسة حكومى عادية kg وكانت بتروح ودفعت المصاريف فى kg1 لكن ما كنش فى تعليم ولا اهتمام خالص فلم تذهب فى kg2 ولم تدفع المصاريف وذهبت حضانة خارجية وعندما ذهبت امها فى شهر 4 لتدفع مصاريف kg2 اخبرتها المدرسة انهم شطبوها من عندهم وممكن يقبلوها عندهم السنة الجديدة اولى ابتدائى وممكن لا يقبلوها لكن الاولوية للموجودين عندهم فى المدرسة وهى مش عارفة توديها فين لان مش مقدرتها مدرسة خاصة لان اسعارها فى القاهرة الجديدة عندها ناااار اقل حاجة 7 الاف حد يفيدها برايه ارجوكم وشكرا واسفة طولت عليكم