اجمل فراخ كنتاكى من مطبخى بالصور 2024

اجمل سلا م لا احلى عدولات
انا جايبة النهاردة طريقة فراخ كنتاكى
جربتها وطلعت تحفة وقلت اقولكم على الطريقة علشان تعملوها
وهى سهلة جدااااااااااااااااااا ومش مكلفة نبتدى مع بعض توكلنا على الله
المقادير: فرخة كاملة تقطعيها 8 قطع او دبابيس حسب الموجود عندك
2 م كبيرة خل
هريسة شطة ملح فلفل اسود م صغيرة بربيكا
مقادير تتبيلة الدقيق: نصف كيلو دقيق م كبيرة ثوم بودرة
م كبيرة بصل بودرة
م ص فلفل اسود + م ص زعتر مطحون + م ص ورق لورى مطحون
م ك بيكينج بودر + م ص شطة حسب الرغبة وماء مثلج
م ص جنزبيل مطحون حسب الرغبة
الطريقة :
بعد تقطيع الفرخة وغسلها جيدا وياريت تنغزيها بالسكين كويس و تضعى الخل ولمدة نصف ساعة وياريت تعملى الموضوع كلة قبلها بيوم او باربع سا عات وبعدها تضعى الهريسة وطبعا عرفين هو فلفل احمر مخروط فى الكبة او جاهز
ومعاه ملح وفلفل اسود والبربيكيا وتسبيها فى الخلطة دى زى ما قلت

ونحضر طريقة التتبيلة وهى كل المكونات اللى قلنا عليها تتحط على الدقيق
ونبدأ فى تتبيل الفراخ فى الخلطة بتعتنا زى كدة

وتكونى محضرة طبق فيه ماء مثلج زى ده

,وتجيبى قطعة الفرخة المتبلة وتحطيها فى الماء المثلج و بعدن تحطيها فى خلطة الدقيق تانى اهم حاجة تضغطى عليها كويس وهى فى الدقيق

وتسبيها شوية لغاية ما الزيت يسخن
اهم حاجة عند القليى درجة الحرارة تكون متوسطة وتغطى الوعاء بتاع القلى وتقلبى كل شوية فيها
وبالسكينة تغزى فيها على كل جنب علشان تستوى معاكى كويس
وده شكلها النهائى

يارب يكون عجبكم ولا تنسونى بدعائكم
ولا تحرمونى من تقييمكم

تسلم ايديك يا قمر
جزاكي الله كل خير
شكلها جميل قوي

وااااااااااااااااااااااو
لذيذة تجنن أجربها أكييد
تسلم ايدك حبيبتي

شكرا حبيبتي ,يسلمو اديكي راح اجربا يا ئمر

جميله اووووووووى
انشاء الله هعملهى
ولكى احلى تقييم

حلوة اووي تسلم ايدك